Atyraý oblysyndaǵy bir aýyldy myńdaǵan baqa basyp qaldy. Uzyndyǵy eki santımetrden sál asatyn kishkentaı qosmekendiler Qyzylqoǵanyń Búırek aýylyndaǵy joldardy, baqshalar men úılerdiń aýlasyn basyp qaldy. Bul týraly Egemen.kz Hello Atyrau basylymyna silteme jasap habarlaıdy.
Jergilikti turǵyndar bul qubylysty sý tasqynynan keıin sý deńgeıiniń tómendeýimen baılanystyryp otyr. Qyzylqoǵalyqtar tań qalǵanmen, shaǵymdanǵan joq. Olardyń aıtýynsha, buryn-sońdy mundaı jaǵdaı bolmaǵan, óıtkeni bul aımaqtyń topyraǵy qurǵaq ári qumdy bolyp sanalady.
«Kóktemde mańaıymyzdy sý basyp qaldy. Oıyl ózeniniń deńgeıi kóterilip, keı jerlerde sý arnasynan shyǵyp ketken. Qazir deńgeıi aıtarlyqtaı tómendedi. Sýy ketpegen jer batpaqqa aınalyp, baqa qaptap ketken. Ásirese túnde kóp. Úıge sekirip kirip, baqshadaǵy qulpynaı, tańqýraı, qyzanaq sekildi ósirip otyrǵandardy jep ketedi», - deıdi jergilikti turǵyn Asqar Aıdynov.
Ekologtardyń aıtýynsha, qazir Qyzylqoǵa óńiriniń topyraǵy dymqyl, sol sebepti baqalar paıda bolǵan.