Elordada LRT qurylysyna baılanysty Syǵanaq kóshesindegi aınalym sezi jabylady, dep habarlaıdy Egemen.kz.
Astanada polısııa departamentiniń kelisimi boıynsha LRT qurylysyna baılanysty jol qozǵalysyna ózgeris engiziledi, dep málimdedi CTS kompanııasy.
- Elordalyq polısııa departamentiniń kelisimi boıynsha magıstraldardyń júris bóligine irgeles ýchaskelerde LRT jumystaryn júrgizý josparyna sáıkes, Syǵanaq kóshesi boıynsha jol qozǵalysyn uıymdastyrý ózgertiledi, – delingen habarlamada.
Osyǵan baılanysty 8 shildeden 31 tamyzǵa deıin Túrkistan kóshesinen Máńgilik el dańǵylynyń kólik aıryǵyna deıingi ýchaskede rostverkterdi, tirekter men rıgelderdi ornatý boıynsha jumystardy oryndaý úshin qozǵalys jolynda ishinara shekteý bolady. Bul rette, Dostyq kóshesi jaǵynan Syǵanaq kóshesine ońǵa burylý aınalym sezi jabylady.