Almatydaǵy «Balýan Sholaq» sport kesheninde dzıýdodan B.Mahmutovty eske alýǵa arnalǵan jasóspirimder arasyndaǵy Azııa kýbogi aıaqtaldy, dep habarlaıdy Egemen.kz.
Sportty damytý dıreksııasynyń málim etýinshe 9 komandadan 355-ke jýyq tatamı sheberi beldesken dzıýdo dodasynda Qazaqstan quramasy 6 altyn, 7 kúmis, 14 qola medalmen jalpykomandalyq esepte ekinshi oryn aldy.
Baıraqty básekede О́zbekstan (6 altyn, 7 kúmis, 16 qola) kósh bastap, Mońǵolııa sportshylary (3 altyn, 2 kúmis) úzdik úshtikti túıindedi.