Aqtóbe qalasynda balalardyń betine buryshty gaz ballonyn shashqan kúdikti Qazaqstan men Reseı arasyndaǵy shekaradan tabyldy, dep habarlaıdy Egemen.kz.
Atalǵan oqıǵa týraly áleýmettik jelide tarady. Anyqtalǵandaı, 11 shaǵyn aýdandaǵy kópirde júrgen balalarǵa beıtanys adam kishirek qutydaǵy gaz ballonyn qoldanǵan. Sol kezde balalar aıqaılap, bireýi qasha jónelgen. Sodan soń kúdiktini izdeý jumysy júrgizildi.
Oblystyq PD baspasóz qyzmeti: «Jedel-izdestirý is-sharalaryn júrgizý barysynda Aqtóbe oblysynyń polısııa qyzmetkerleri shekaradan ótpek bolǵan kámeletke tolmaǵan kúdiktini ustady. Ol buzaqylyq isi boıynsha izdeýde boldy. Balalarǵa qarsy gaz qutysyn qoldanǵan», dep habarlady.