Kókshetaýda habar-osharsyz ketken 33 jastaǵy áıeldiń máıiti tabyldy. Polısııa qyzmetkerleri qylmysqa qatysy bar degen kúdikke ilingen azamatty ustady, dep habarlaıdy Egemen.kz.
Aqmola oblysynyń Polısııa departamenti atalǵan oqıǵa boıynsha Qylmystyq kodekstiń 99-babynyń 1-bóligi (kisi óltirý) boıynsha sotqa deıingi tergeý amaldary júrgizilip jatqanyn málimdedi.
«Kúdikti anyqtalyp, ustaldy. Qylmystyq prosessýaldyq kodekstiń 201-babyna sáıkes ózge aqparat jarııalanýǵa jatpaıdy», delingen vedomstvo aqparatynda.