PAVLODAR. 21 qańtar. Eýrazııalyq topqa (ERG) kiretin «Qazaqstan Alıýmınııi» AQ dırektorlar keńesiniń sheshimimen basqarma tóraǵasy – aksıonerlik qoǵamnyń prezıdenti bolyp Arman Beketuly Esenjolov taǵaıyndaldy. Bul týraly egemen.kz tilshisi habarlady.
Sondaı-aq dırektorlar keńesiniń sheshimimen kásiporynnyń jańa uıymdyq qurylymy qabyldandy. Al, kásiporynnyń burynǵy basshysy Almaz Ibragımov «Qazaqstan elektrolız zaýyty» AQ-ta ary qaraı kásiporyn qurylymynda jumysyn jalǵastyrady.
51 jastaǵy Arman Esenjolov Máskeýdegi bolat jáne qorytpa ınstıtýtyn «Qara metaldar metallýrgııasy» mamandyǵy boıynsha bitirdi, M. Lomonosov atyndaǵy Máskeý memlekettik ýnıversıtetinde Isker ákimshilik sheberi biliktilik dárejesin aldy. Tehnıkalyq ǵylymdardyń kandıdaty jáne ǵylymı daıyndamalardyń avtory, patentteri men avtorlyq kýálikteri bar.
Arman Beketuly Eýrazııalyq Top qurylymynda 30 jylǵa taıaý jumys atqardy. Ol jumysyn 1986 jyly Eýrazııalyq top quramyndaǵy ««Kazhrom» TUK» AQ fılıaly – Aqtóbe ferroqorytpa zaýytynda bastady. Osy jerde kásiporynnyń bas ınjenerine deıingi kásibı ósý joly baspaldaǵynan ótti. Ár jyldary laýazymdy qyzmetterdi atqardy. 2014 jyldyń qyrkúıeginde «Qazaqstan Alıýmınııi» AQ-nyń birinshi vıse-prezıdenti bolyp taǵaıyndalǵan bolatyn.
Farıda Byqaı.
Derek: egemen.kz.
Sýret: fedpress.ru.