Jazdyń aptap ystyǵynda taǵam rasıonyna jete mán bergen durys. Mamandar keı taǵamdar jyldyń osy mezgilinde júrek, qan tamyrlaryna artyq júkteme túsiretin taǵamdar bar ekenin eskertedi. Sondyqtan bul taǵamdardy mázirden tolyq alyp ne tutyný kólemin azaıtqan abzal, dep jazady Egemen.kz.
Dıetologtar ystyq kúnderi qyzyl etti rasıonnan alyp tastaýǵa ne az tutynýǵa keńes beredi. Sebebi et qorytylý prosesi kúrdeli taǵam túri.
Bul qatarda qýyrylǵan taǵamdar da bar. Mamandar as ázirleýde buqtyrý, qaınatý, býǵa pisirý syndy ádisterdi jıi qoldanýǵa keńes beredi. Atalǵan ádister, aǵzada tez qorytylýmen qatar, taǵamnyń nárlik quramynda saqtaıdy.
Jazda qant qosylǵan táttilerdi de tutynbaǵan jón. О́ıtkeni dástúrli táttilerdiń quramynda tazartylǵan qant, aq un jáne maı kremi bolady. Bul ıngredıentter asqazan-ishek joldarynyń jumysyna artyq salmaq túsiredi.
Shokolad, tátti bálish syndy tiskebasarlardy keptirilgen jemisterge almastyrý quptalady.
Balǵyn jemisterden jasalǵan tabıǵı shyryndy da kóp ishýge keńes berilmeıdi. О́ıtkeni osy ádispen daıyndalǵan shyryn quramynda da shamadan tys qant bolýy ǵajap emes.
Jazda jemisti shyrynǵa qaraǵanda kókónisten jasalǵan sýsyndar edáýir paıdaly.
Kofeni de táýligine bir qutydan artyq ishpegen durys. Jazda kofeni kóp tutyný aǵzada sý tapshylyǵyn týdyrady.
Onyń ornyn matcha, taza sý t.b. almastyrý usynylady.