Atyraý oblysynyń Inder aýdanynda úsh táýlikke sozylǵan izdestirý jumystarynan keıin 13 jastaǵy jasóspirimniń máıiti tabylyp, sýdan shyǵaryldy, dep habarlaıdy Egemen.kz.
Oblystyq TJD baspasóz qyzmeti habarlaǵandaı, oqıǵa 5 shilde kúni Kóktoǵaı aýylynda bolǵan. 2011 jyly týǵan bala dostarymen birge ruqsat etilmegen jerde júzip, sýǵa batyp ketken.
«Balanyń máıiti izdestirý jumystarynyń úshinishi táýliginde tabyldy. Ony izdeýge TJD-nyń 10 qutqarýshysy, eki birlik arnaıy tehnıkasy jáne eki júzý quraly tartylǵan. Aıta ketý kerek, qazir Inder aýdanyndaǵy Jaıyq ózeniniń tereńdigi - 16 m, al eni - 200 m. Aǵysy da óte kúshti bolǵandyqtan, atalǵan jerde shomylý maýsymy áli ashylmaǵan. Ata-analardy qyraǵy bolýǵa shaqyramyz», delingen habarlamada.