Zań normalary túsindirildi

Qoǵamdyq qabyldaý jumy­sy barysyn­­da azamattarǵa quqyq­­tyq keńester beri­­lip, áleý­mettik máselelerdiń zań­na­malyq norma­lary túsin­dirildi. Kezdesý bary­synda aýyl­daǵy qordalanyp qalǵan birqatar prob­lema kóterilip, túıindi máse­le­ler talqylan­­d­y. Turǵyndardyń biri jol máselesin qozǵasa, ózgeleri óńirdegi medısınalyq kómekti jetildirý kerektigin alǵa tartty.

Aýyl aqsaqaly Pitát Ahmet­janov óńirdegi aýyl­dardyń ákimshilik bólinisin qaıta qaraýdy surady. Nurtaı Sabılıanov bul máseleniń eń aldymen jergilikti jerde talqylanýǵa tıis ekenin atap ótti. Turǵyndardyń usynysy oblys deńgeıinde qoldaý taýyp jatsa, másele Úkimetke de jetedi.

«Buǵan deıin de eldi mekendi aýdanǵa qosý máselesi jan-jaqty ári júıeli túrde qarastyrylǵan. Bul máseleni jergilikti bılik pen máslıhat birlesip sheshýge tıis. Jergilikti atqarýshy organ tıisti sheshi­min qabyldaǵannan keıin ony oblysqa jibe­redi. Eger oblys qoldasa, másele Úkimet­ke joldanady. Tek sodan keıin usynys en­gizi­ledi. Al Qaraqol sý qoımasyna keler bolsaq, bul másele Májiliste kóteril­gen. Eń aldymen jobalyq smetalyq qujat­tar jasaldy. Odan keıin baryp qana oǵan kúrdeli jóndeý júrgiziledi. Bul sý qoı­masyna kezinde bólingen qarajat durys ıgerilmegen. Endi bul másele nazarymyzda bolady», dedi depýtat.

Kezdesýge Májilis depýtattarymen qatar jergilikti bılik ókilderi de qatysty. Turǵyndardyń shaǵymyn aýyl ákimi de óz baqylaýyna alyp, tıisti jumystardy atqarýǵa ýáde berdi.