«Qazgıdromet» sınoptıkteri 10 shildege arnalǵan aýa raıy boljamyn usyndy. Boljamǵa sáıkes, eldiń birneshe óńirinde qolaısyz aýa raıy saqtalady, naızaǵaı oınap, jańbyr jaýady, dep habarlaıdy Egemen.kz.
Mamandardyń habarlaýynsha, Almaty oblysynyń taýly aýdandarynda keı ýaqytta nóser jańbyr jaýady. Oblystyń soltústiginde, ońtústiginde, taýly aýdandarynda naızaǵaı oınap, burshaq jaýady. Ońtústik-batystan soǵatyn jel soltústik-batysqa qaraı aýysady, kúndiz oblystyń soltústiginde, ońtústiginde, taýly aýdandarynda ekpini sekýndyna 17-22 metrge jetedi.
Almatyda kúndiz naızaǵaı oınaıdy. Soltústik-batystan jel soǵady, naızaǵaı kezinde ekpini sekýndyna 15 metrge jetedi.
Jetisý oblysynyń taýly aýdandarynda nóser jańbyr jaýady, oblystyń shyǵysynda, ortalyǵynda, taýly aýdandarynda naızaǵaı oınap, burshaq jaýady, daýyl soǵady. Ońtústik-batystan jel soǵady, oblystyń shyǵysynda, taýly aýdandarynda ekpini 15-20, Alakól kólderi aýdanynda sekýndyna 23-28 metrge jetedi.
Boljamǵa sáıkes, Mańǵystaý oblysynyń ortalyǵynda da naızaǵaı oınaıdy. Soltústik-shyǵystan jel soǵyp, kúndiz ekpini 15-20 metrge jetedi. Kúndiz oblystyń basym bóliginde 38-42 gradýs qatty ystyq saqtalady.
«Aqtóbe oblysynyń soltústiginde nóser, burshaq jaýady, daýyl soǵady. Túnde oblystyń soltústiginde, shyǵysynda, kúndiz basym bóliginde naızaǵaı oınaıdy. Shyǵystan jel soǵady, oblystyń soltústiginde, shyǵysynda ekpini sekýndyna 15-20 metrge jetedi. Atyraý oblysynyń shyǵysynda naızaǵaı oınaıdy. Soltústik-batystan jel soǵyp, kúndiz ekpini 15-20 m/s deıin jetedi. Kúndiz oblys boıynsha 35 gradýs qatty ystyq saqtalady», deıdi sınoptıkter.
Qostanaı oblysynyń batysynda naızaǵaı oınaıdy, kúndiz burshaq jaýady. Shyǵystan jel soǵady, ekpini 15-20 metr bolady.
Qyzylorda oblysynyń soltústiginde naızaǵaı oınaıdy.
Sondaı-aq Qaraǵandy oblysynyń shyǵysy men ońtústiginde de naızaǵaı oınaıdy. Soltústik-shyǵystan jel soǵyp, kúndiz ekpini 15-20 metrge jetedi.
Shyǵys Qazaqstan oblysynyń soltústiginde, shyǵysynda, ońtústiginde nóser, kúndiz burshaq jaýady, daýyl soǵady, naızaǵaı oınaıdy. Soltústik-batystan jel soǵady, kúndiz jeldiń ekpini 23 m/s bolady.
Abaı oblysynyń shyǵysynda, ońtústiginde, kúndiz oblystyń soltústiginde, ońtústiginde, ortalyǵynda naızaǵaı oınaıdy, burshaq jaýady, daýyl soǵady.
Túrkistan oblysynyń taýlarynda da naızaǵaı oınaıtynyn baıqaýǵa bolady.
«Batys Qazaqstan oblysynyń soltústiginde, shyǵysynda naızaǵaı oınap, kúndiz burshaq jaýady, daýyl soǵady. Kúndiz oblystyń soltústiginde, shyǵysynda ekpini sekýndyna 15-20 metrge deıin jetetin jel soǵady. Oblystyń ońtústiginde, ońtústik-shyǵysynda, soltústiginde joǵary órt qaýpi saqtalady. Al Pavlodar oblysynyń soltústiginde tuman túsedi», dep qosty «Qazgıdromet» mamandary.