AQTО́BE. 21 qańtar. Aqtóbe oblysy aýmaǵynda mal urlyǵymen baılanysty qylmystardy ashý jáne jolyn kesý maqsatynda «Mal urlyǵy» jedel-profılaktıkalyq is-sharasy ótkizilýde. Bul týraly egemen.kz tilshisi habarlady.
Is-shara aıasynda krımınaldyq polısııa qyzmetkerleri Aqtóbe oblysynyń 4 turǵynynan qurylǵan qylmystyq topty áshkereledi. 18 qańtar kúni krımınaldyq polısııa jáne ýchaskelik polısııa ınspektory Alǵa aýdany Qaraqobda kentinde atalǵan topty iri qara malyn urlaý kezinde qolǵa túsirdi. Qazirgi tańda olardyń Aqtóbe oblysy aýmaǵyndaǵy osyǵan uqsas 6 mal urlyǵyna qatystylyǵy belgili boldy.
Kúdiktiler birqatar mal urlyǵyna qatysy barlaryn moıyndap otyr.
Sonymen qatar, ústimizdegi jylǵy 13 qańtar saǵat 11.00-de Qarǵaly aýdany ishki ister basqarmasynyń kezekshi bólimine 66-jastaǵy aýyl turǵyny shaǵymdanyp, 2014 jylǵy 13 jeltoqsanǵa qaraǵan túni belgisiz adamdardyń aýyl shetindegi sharýashylyǵynan 4 qoıdy urlap ketkenin aıtqan. Keltirilgen shyǵyn kólemi 100 myń teńgeni quraıdy.
Jedel-izdestirý is-sharasy barysynda ishki ister departamenti krımınaldyq polısııa basqarmasynyń qyzmetkerleri atalǵan qylmysty jasady degen kúdikpen 16-18 jastaǵy aýyl turǵyndaryn qolǵa túsirgen. Tintý barysynda kúdiktilerden urlanǵan qoılardyń terisi tárkilendi. Jaýap alý kezinde kúdikteler kinálaryn moıyndady. Qazirgi tańda kúdiktiler qamaýǵa alynyp, Qylmystyq kodekstiń 188-baby boıynsha qylmystyq is qozǵaldy.
Satybaldy Sáýirbaı.
Derek: egemen.kz.
Sýret: azgazeta.ru.