Tarbaǵataı túlekteriniń jetistigi

Oblystyq bilim basqarmasy mamandarynyń aıtýynsha, 16 mamyrda bastalǵan Ulttyq bir­yń­ǵaı testileý 5 shildege deıin jalǵasty. Bıyl otandyq oqý­shylar UBT-ny jylyna bes ret tapsyrdy. Onyń úsheýi aqyly bolsa, eki ret baq synap kórý tegin. Barlyq talapker negizgi UBT-ny eki ret tapsyryp, úzdik nátıjesimen grant konkýrstaryna qatysady.

Shyǵys Qazaqstan oblysy boıynsha ulttyq biryńǵaı tes­tileýge bıyl 3 847 mektep túle­giniń 3 176-si qatysýǵa tilek bil­dirdi. Synaqqa kirgender daıyn­dyqtaryna qaraı jaýap berip, bilim deńgeılerin baıqasty. Bilim salasy mamandarynyń aıtýynsha, bıylǵy testileýde upaı kórsetkishteri byltyr­ǵydan jo­ǵary sekildi. Árıne, qory­tyn­dysy tolyq shyqpaı jatyp, naq­ty mysal keltirý qıyn. Dese de, kórsetkish jaman emes desedi.

– Oqýshylar synaqtan súrin­beı ótýi úshin úlken jaýap­ker­shilikpen daıyndalǵanyn baı­­qap júrdik. Úlken ómirdegi alǵash­qy ári jaýapty beles ekenderin sezindi. Ustazdar ujymy da qol­daý bildirip, barymyzdy sal­dyq. О́z oqýshylarymyz úshin taqym qystyq. Jalpy, oblysta UBT qorytyndysy jaman emes. Barlyǵy aıaqtalǵan soń kóre jatarmyz, – deıdi О́skemen qalasy, №1 orta mekteptiń dırektory Ádil Saılaýbek.

Aıtqandaı, kún-tún demeı bir jyl testileýge daıyndalǵandar joǵary upaıǵa qol jetkizip, qýa­nyshtary qoıyndaryna syı­maı jatty. Sonyń ishinde Tar­baǵataı aýdany Quıǵan aýy­ly­nyń tú­legi oblysta 138 ball jınady. Joǵary ball jınaǵan ol salmaqty baıqaýlarda da jo­ǵary nátıje kórsetken. Endigi armany – menedjment jáne basqarý mamandyǵy boıynsha oqýǵa túsý.

– Mektepte is-sharalarǵa bel­­sene qatysyp júrdim. Mek­tep prezıdenti boldym. Bos ýa­­qytym­da án aıtyp, dombyra­ tart­qan unaıdy. UBT-ǵa daıyn­dyq­­­ty byltyrǵy tamyz aıynan bas­­tadym. 2021–2023 jyldary aýdan­dyq geografııa páni olım­pıa­da­synan 1-oryn aldym. Jetis­ti­gim úshin jetekshim Gúlnar Oma­rova apaıǵa alǵysym sheksiz. Qo­symsha tamyzdan maýsym ­aıyna deıin «juz40_online» kýrsynda bilim aldym. Joǵary ball alýy­m, eń bastysy ata-anamnyń, mek­tep­tegi ustazdarymnyń qoldaýy jáne atal­ǵan kýrstyń nátıjesi dep oılaımyn. Qazirgi kezde menedj­ment jáne basqarý mamandyǵyn tańdap otyrmyn, – deıdi Erke Tynybaeva.

Sondaı-aq 136 ball jınaǵan Dana Qajyqan Zaısan aýdany Qazaqstan orta mektebiniń túlegi. Ulan aýdany R.Márse­kov atyndaǵy orta mektebi túlegi Qýanysh Muhametjan 135 baldy qorjynǵa saldy. Árıne, oqýǵa túsip, ýnıversıtet tabaldyryǵyn attaǵansha, arqany keńge salýǵa bolmas. Deı turǵanmen, joǵary upaı senim uıalatady. Olarǵa oblystyq bilim basqarmasy basshylary da senim bildirip otyr.

– Sizderge júregińizdi tyń­dap, ózińizge unaıtyn kásipti ǵana emes, jalpy ómirdegi baǵdardy tańdaýyńyzǵa tilektespiz. Bıik shyńdardan kórinińizder. Endigi joldaryńyzda jaqsy adamdar jolyǵyp, mańyzdy jetistikterge jetýdi tileımiz, – deıdi oblystyq bilim basqarmasynyń basshysy Inessa Chernysheva.

Taǵy bir qýanarlyq jańa­lyq, erekshe úlgidegi attestat ıegeri, Tarbaǵataı aýdany «Y.Altyn­sarın atyndaǵy orta mektep» KMM oqýshysy Aıaýjan Mu­ratova Ulttyq biryńǵaı testileý nátıjesinde 139 ball jınap, oblys boıynsha úzdik nátıje kórsetti. UBT-da qazaq ádebıeti páni boıynsha 50 baldan 50 ball jınady. Aıaýjan oblystyq jáne respýblıkalyq zııatkerlik olımpıadalardyń júldegeri. «Aýyl balalary» respýblıkalyq olımpıadasynda I oryn alyp, S.Amanjolov atyndaǵy ShQÝ grantyn jeńip alǵan.

Shyǵys Qazaqstan oblysy