Qoqys suryptaý alańy salynady

Qorshaǵan ortanyń tazalyǵyn saqtaýǵa ba­ǵyttalǵan joba bú­ginde «Taza beısenbi» ekoaksııasyna ulasyp, óńirlerde tazartý jumystary jalǵasyp jatyr. Bul naýqanda «Amanat» partııasynyń músheleri de belsendilik tanytyp keledi. О́tken beısenbide partııa músheleri Jambyl aýdanyndaǵy Qastek ózeniniń jaǵasyn tur­mystyq qaldyqtardan tazartty. Ekologııalyq is-sharaǵa barlyq deńgeıli máslıhat depýtattary, bastaýysh partııa uıymdarynyń músheleri, aýyl turǵyndary qatysty. Sóıtip, aksııaǵa atsa­lysqan 100-ge jýyq adam týǵan ólkeniń tazalyǵyn saqtaýǵa óz úlesin qosty. Jınalǵan 1,5 tonna qoqys arnaıy polıgonǵa jiberildi.

«Jazǵy ýaqytta azamattardyń kóbi ózen-kóldi jaǵalaıdy. Sonyń biri adam aıaǵy arylmaıtyn Qastek ózeniniń jaǵasyn taza ustaý – negizgi maqsatymyz. Búgingi tazalaý jumystary barysynda burynnan qalyp qalǵan turmystyq qaldyqtar, polıetılen paketter men plastık bótelkeler, basqa da turmystyq kúl-qoqystar shyǵarylyp, polıgonǵa jóneltildi. Eldi mekenderde uıymdastyrylyp jatqan «Taza beısenbi» ekoaksııa­sy aıasynda tabıǵatymyz tazaryp, tártip ornap jatyr. Árbir azamat óziniń týǵan jerin taza ustaýǵa daǵdylanyp, ony ózgege kórsete bilýi kerek dep oılaımyn. Sondyqtan bul bastama jalǵasyn tabady», deıdi «Amanat» partııasy Jambyl aýdandyq fılıalynyń tóraǵasy Yqylas Amalbek.

Al Almaty oblystyq más­lıhat depýtaty Merýert Molda­shevanyń aıtýynsha, ekolo­gııa­lyq máselelerdi sheshý – «Amanat» par­tııasynyń saılaýaldy baǵ­dar­lamasynda qamtylǵan ma­ńyzdy basymdyqtardyń biri.

«Amanattyqtar tabıǵatty aıalaý isin ári qaraı jalǵastyrýǵa nıetti. Partııanyń óńirlik saılaýaldy baǵdarlamasy aıasynda 2027 jylǵa deıin barlyq aýdan ortalyǵyndaǵy jáne Qonaev qalasynda ruqsat etilmegen qoqys úıindilerin joıý mindeti tur. Onymen qosa óńirde polıgon jáne keshendi qoqys tıeý men suryptaý tórt alańy salynady. Sondaı-aq aýyldarda qoqysty bólek suryptaýǵa jáne quramynda synap bar qaldyqtardy jınaýǵa arnalǵan keminde 1 myń konteıner ornatylady», deıdi oblystyq máslıhat depýtaty.

Almaty oblysy