Bıylǵy jyly Úkimet ázirlegen údemeli ındýstrııalyq-ınnovasııalyq damýdyń memlekettik baǵdarlamasy men elimizdi ındýstrııalandyrý kartasyna oblystan 11 joba enip otyr. Oblystyq kásipkerlik jáne ónerkásip basqarmasynyń málimetterinshe, elimizdi órkendetýge bastaıtyn serpindi jobalardyń qataryndaǵy olardyń barlyǵy da 2014 jyly iske qosylady.
Bulardyń aldy bolyp Ekibastuzdaǵy “Energııa-Kapıtal-1” JShS iske qosylady. Jańa kásiporyn táýligine 30 tonna nan-toqash ónimderin pisire alady. Bul ınvestısııalyq jobany qarjylandyrýǵa 1 mlrd. 113 mıllıon teńge jumsaldy. О́ńirdegi jáne kenshiler qalasyndaǵy azyq-túlik beldeýin qalyptastyrýda iske qosylatyn kásiporynnyń mańyzy zor. Osy jerde 160 adam eńbek etetin jańa jumys oryndary ashylady.
Ekinshi bir jaqsy jańalyq – “Qazaqstan elektrolız” zaýyty AQ-tyń ekinshi kezegi iske qosylady. Iаǵnı, otandyq alıýmınıı óndirisiniń jyldyq kólemi 250 myń tonnaǵa jetedi degen sóz. Qýaty jylyna 30 000 tonna hlor jáne kaýstıkalyq sodany membrandyq ádispen shyǵaratyn “Kaýstık” zaýytynyń, Bozshakól ken baıytý kombınatynyń qurylystaryn salý qolǵa alynýda. Sonymen qatar, oblys ortalyǵyndaǵy farmasevtıkalyq zaýytty qaıta jańartý jobalary júzege aspaqshy.
Al budan basqa da oblysta óńirlik ındýstrııalandyrý kartasy jasaldy. Buǵan jalpy quny 138,3 mlrd. teńge turatyn 32 joba qatysatyn bolady. Osy kúnderi bul jobalardy orta jolda qaldyrmaı iske asyratyn qarjylandyrý kózderin aıqyndaıtyn jumystar júrgizilýde.
Farıda BYQAI.
PAVLODAR.