Ishki ister mınıstrliginiń málimetinshe, quqyq qorǵaý organdary qyzmetkerleriniń 9 paıyzy atqaratyn laýazymdaryna sáıkes kelmegen, dep habarlaıdy Egemen.kz.
IIM resmı ókili Shyńǵys Alekseev polıseılerdi attestattaý nátıjeleri týraly aıtty.
Onyń sózine qaraǵanda, attestattaýdan ótken qyzmetkerlerdiń 9 paıyzy atqaratyn laýazymdaryna sáıkes emes dep tanylǵan. Olardyń laýazymy tómendetiledi nemese basqa qyzmetke aýystyrylady.
Sonymen qatar, ol polıseılerdiń 12%-y kadrlyq rezervke qabyldaý úshin usynylǵanyn, 79%-y óz laýazymdaryna sáıkes keletinin aıtty.
Basqarýshy laýazymdardy atqaratyn polısııa qyzmetkerleri 2024 jyldyń sońyna deıin attestattaýdan ótedi. Bıyl qyzmetkerler alǵash ret Prezıdent janyndaǵy Memlekettik basqarý akademııasynyń testileý ortalyǵy bazasynda zańnamany bilý jáne logıkalyq oılaý deńgeıin anyqtaý testileýinen ótedi.