Shýda ushaq apatqa ushyrady

Jambyl oblysy, Shý aýdanyn­­daǵy Shatyrqul ken ornyna jaqyn mańda AN-2 ushaǵy apatqa ushyrady. Oqıǵa aldyńǵy kúni kúndizgi saǵat 15-ten asa oryn alǵan. Ushaq Qaraǵandy oblysy jaǵynan ushyp kele jatqan eken. Áýe kóligi Qaraǵandy oblysyndaǵy «Olımp Eır» JShS-ge tıesili ekeni anyqtaldy. Ushaq bortynda jeti adam bolǵan, úsheýi ekıpaj músheleri, qalǵan tórteýi Shatyrkól ken ornyna kele jatqan «Qazaqmystyń» jumysshylary. Birqatar áleýmettik jelilerde ushaqtaǵy ekıpaj músheleri de, jolaýshylar da túgel qaıtys bolǵany týraly aqparat taraǵan bolatyn. Biraq Jambyl oblys­tyq densaýlyq saqtaý basqarmasy­nyń baspasóz qyzmeti jónindegi ókili Ekaterına Kalıtkına ushaqtaǵy jeti adamnyń bireýi Shý aýdandyq aýrýhanasyna óte aýyr jaǵdaıda jetkizilgenin aıtty. Keshe ushaq­tyń apatqa ushyraýynan zardap shekken «Balqashtústimet» ón­diristik birlestiginiń bas geology A.Shaıahmetova esin jıdy. Ázirge dárigerler qyzdyń jaǵdaıy qalypty, biraq áli de aýyr degen baǵa berip otyr. Qyzdyń jam­basy men jilinshigi synǵan jáne kóp qan joǵaltypty. Dári­ger­ler oǵan eki operasııa jasalaty­nyn aıtady. Ázirge Shýǵa Astanadan dárigerler keldi. «Shaıah­meto­va­nyń eki aıaǵynda da ashyq jáne jabyq jaraqattar bar. Mıy­nyń shaıqalýyna baılanys­ty aý­rý­hanaǵa óte aýyr jaǵdaıda tú­s­ti. Barlyq em sharalar júrgizildi. Jaǵdaıy áli de aýyr, biraq turaq­ty» deıdi bul jóninde Shý aýdan­dyq aýrýhanasynyń dáriger rea­nımatology Baný Spanqulova. Ushaq bortyndaǵy «Qa­zaqmys» kompanııasynyń úsh qyzmetkeri: tehnıkalyq da­mý departamentiniń dırektory G.Tóleýbaev, «Bal­qash­­­tústimet» óndiristik birlestiginiń bas mehanıgi E.Ybyraev jáne osy birlestiktiń tehnıkalyq jáne ınvestısııalyq jospar­­­laý bóli­miniń basshysy Ý.Esmaǵam­be­tova, sonymen qatar, AN-2 ushaǵy­nyń komandıri G.Klıýshev, ekinshi ushqysh V.Savelev jáne bort-mehanık V.Lıtvınov qaza tapty. Ushaqtyń apatqa ushyraýyna sol kúngi tuman sebep bolýy múm­kin deıdi mamandar. О́ıtkeni, qalyń tumannan áýe kemesi kórý qashyq­tyǵy tómen jaǵdaıda qonýǵa áre­ket jasaǵan. Oqıǵany tergeý úshin arnaıy komıssııa quryldy. Oralhan DÁÝIT, «Egemen Qazaqstan». Jambyl oblysy, Shý aýdany.