Qyzylorda oblysy boıynsha Sybaılas jemqorlyqqa qarsy qyzmet kásipkerlerdi ulynyń oqý aqysyn tóleýge májbúrlegen oblystyq kásipkerlik jáne ónerkásip basqarmasynyń basshysyna qatysty sotqa deıingi tergeýdi aıaqtady, dep jazady Egemen.kz.
Agenttiktiń aımaqtaǵy baspasóz qyzmeti málimdegendeı, basqarma basshysy ókiletti laýazymyn asyra paıdalaný deregi boıynsha kúdikke ilingen.
«Ol ulynyń oqýyna aqy tóleý qajettiligi jáne dızeldi otynmen qamtamasyz etý týraly bıznes ókilderine zańsyz nusqaýlar berý arqyly laýazymdyq ókilettikterin asyra paıdalanǵany úshin kúdikke ilindi. Sonymen qatar sheneýnik óńir kásiporyndarynyń suıytylǵan gazdyń tıisti kólemin alý quqyǵyn shekteý arqyly zańdy kásipkerlik qyzmetke kedergi keltirdi degen kúdik bar», delingen habarlamada.
Kúdikti qamaýǵa alynyp, is prokýrorǵa joldandy.