Almaty qalasynda taǵy bir avtobýs jol apatyna ushyrady, dep habarlaıdy Egemen.kz.
Áleýmettik jelide apat bolǵan jerde túsirilgen vıdeo tarap júr. Kadrlarda qoǵamdyq kóliktiń aldy-artynan qısaıyp turǵany beınelengen. Beınerolık avtorynyń aıtýynsha, jol apaty Áshimov pen Shalıapın kósheleriniń qıylysynda bolǵan.
Qalalyq Polısııa departamenti jol apaty saǵat 09:15-te bolǵanyn habarlady.
«Júk kóliginiń júrgizýshisi Áshimov kóshesimen soltústik baǵytta, Shalıapın kóshesiniń soltústiginde kele jatyp, aıaldamaǵa toqtaǵan 137-avtobýsqa soǵylǵan. Inersııa áserinen avtobýs jol jıegine shyǵyp ketip, jeke úıdiń qorshaýyna soǵylǵan», dedi polıseıler.
Apat saldarynan toǵyz jolaýshy zardap shekti. Jol-kólik oqıǵasynyń mán-jaılary áli de anyqtalyp jatyr.