AQTAÝ. 26 sáýir. Mańǵystaýda saılaýshylar erekshe belsendilik tanytýda. Tipti sońǵy tórt saǵatta daýys berýshiler sany eki eseden artty. Keıbir saılaý ýchaskelerinde tirkelgen saılaýshylar tolyǵymen daýys bergen. Sol sebepti, atalǵan ýchaskelerde daýys berý aıaqtaldy. Bul týraly egemen.kz tilshisi habarlady.
Mańǵystaý oblystyq saılaý komıssııasynyń habarlaýynsha, Mańǵystaýda túski saǵat 12:00-ge deıin 107 547 adam daýys bergen. Al arada tórt saǵat ýaqyt ótkende bul kórsetkish 240 026 adamǵa jetti. Bul oblystaǵy barlyq saılaýshylardyń 76,15 paıyzyn quraıdy. Iаǵnı, Mańǵystaý oblysynda tórt saǵat ishinde daýys berý kórsetishi 34,12 paıyzdan 76,15 paıyzǵa jetkendigin bildiredi.
Túski saǵat 12:00-den 16:00-ge deıingi tórt saǵat ishinde, daýys berý kórsetkishi Aqtaý qalasynda 32,42 paıyzdan 76,06 paıyzǵa, Jańaózen qalasynda 33,31 paıyzdan 76,07 paıyzǵa, Beıneý aýdanynda 37,26 paıyzdan 76,19 paıyzǵa, Qaraqııa aýdanynda 37,54 paıyzdan 76,31 paıyzǵa, Mańǵystaý aýdanynda 35,09 paıyzdan 76,19 paıyzǵa, Munaıly aýdanynda 34,96 paıyzdan 76,28 paıyzǵa artqan. Al Túpqaraǵan aýdanynyń turǵyndary qazirge deıin 76,28 paıyzǵa daýys berip úlgergen.
Tıisti oryndardyń habarlaýynsha, osy ýaqyt ishinde saılaý ýchaskelerinde zań buzýshylyqtar tirkelmegen jáne áskerı bólimderde, ýaqytsha tergeý abaqtylarynda, sondaı-aq, aýrýhanalarda, aýdandardaǵy birqatar saılaý ýchaskelerinde daýys berý aıaqtalǵan.
Gúlaıym Shyntemirqyzy.
Derek: egemen.kz.
Sýret: Serik Maıemerov.