QYRǴYZSTANDAǴY AHÝALǴA ALAŃDAÝShYLYQ

Keshe EQYU-nyń Is basyndaǵy tóraǵasy, QR Memlekettik hatshysy – Syrtqy ister mınıstri Qanat Saýdabaev Germanııa Federatıvtik Respýblıkasynyń Vıse-kansleri – Syrtqy ister mınıstri Gıdo Vestervellemen telefon arqyly sóılesti, dep habarlady QR SIM baspasóz qyzmeti. Áńgimelesýshi taraptar Qyrǵyz­stannyń ońtústigindegi jaǵdaıdy jáne osy eldiń Ýaqytsha úkimetine kómek kórsetý úshin EQYU aıasynda qolǵa alynǵan sharalardy talqy­la­dy. Qyrǵyzstanda saqtalyp otyr­ǵan turaqsyzdyqqa jáne eldiń basqa óńirlerine tártipsizdiktiń taralý qaýpine tereń alańdaýshylyq bil­dir­gen suhbattastar halyqaralyq qo­ǵam­dastyq tarapynan dáıekti de maqsatty kómek kórsetý qajettigin atap kórsetti. Atap aıtqanda, Qyr­ǵyz­standaǵy EQYU, BUU jáne EO-nyń arnaýly ókilderi ázirlegen is-árekettiń aralyq josparyn tolyq, tıimdi de der ýaqytynda iske asyrý mańyzdy bolmaq, onda jedel kómek kórsetý úshin tórt basym sala anyq­talǵan: qoǵamdyq qaýipsizdik; gýma­nı­tarlyq kómek; óńirlik qaýip­siz­dik; qaqtyǵystan keıingi qalpyna keltirý jáne bitistirý. Suhbattastar jár­demdesýdi áldeqaıda tıimdi úı­lestirý maqsatynda Qyrǵyzstan­daǵy ahýal boıynsha júıeli kon­sýl­tasııalar júrgizip turýǵa kelisti. Eki eldiń syrtqy saıası vedomstvolarynyń basshylary budan keıin aldaǵy 16-17 shildede Almatyda bolatyn EQYU Syrtqy ister mınıstrleriniń beıresmı Ke­ńesine ázirlik barysyn talqylady, G.Vestervelleniń Keńeske qatysa­tyn­dyǵy buryn qýattalǵan bo­la­tyn. Bul shara EQYU keńistiginde únqatysý men ózara túsinistikti nyǵaıtýda mańyzdy qadam bolýy tıistiligi atap kórsetildi. Ekijaqty yntymaqtastyqtyń joǵary serpindiligin atap ótken suhbattastar aldaǵy shildede Asta­na­da bolatyn Prezıdent Nursultan Nazarbaev pen Kansler Angela Merkeldiń kelissózderi Qazaqstan-Germanııa qatynastaryn strategııa­lyq áriptestik deńgeıine shyǵara­tynyna senim bildirdi. Qazirgi kezde Germanııanyń Qa­zaq­standaǵy jyly ótip jatqany bel­gili, ol ekonomıkalyq jáne máde­nı ómirdegi kóptegen oqıǵalarmen bel­gili bolyp otyr. Bul rette 2010 jyl­dyń qańtar-sáýirinde ekijaqty saýda kó­lemi ótken jyldyń sáıkes keze­ńi­men salystyrǵanda 72 paıyzǵa ósken.