Qaraǵandy qalasy ákiminiń jastar kásipkerligin qoldaýǵa jáne damytýǵa arnalǵan granttary ortalyq saıabaqtyń sahnasynda kásipkerlerge saltanatty túrde tabystaldy. Bul joly da erekshe jobalar qoldaý tapty.
Jeńimpazdar 3D-prınter arqyly erekshe qajettilikteri bar adamdarǵa protez jasaý, STEAM zamanaýı jáne ınnovasııalyq ádistemesi bar IT-mektep, gıps buıymdaryn shyǵaratyn óndiris orny, erekshe balalarǵa arnalǵan «Sezın» ınklıýzıvti shyǵarmashylyq ortalyǵyn ashý, «Blackjump» fıtnesstýdııa sekildi jobalaryn iske asyrmaq.
Granttardy qalalyq máslıhat tóraǵasy Altyntóre Jangeldiuly, Qaraǵandy qalasy ákiminiń orynbasary Dastan Amangeldiuly, qalalyq jastar resýrsy ortalyǵynyń dırektory Iаkýb Djamalov tapsyryp, konkýrsqa qosqan jobalardyń úlken bızneske aınalýyn tiledi.
«Jas kásipkerlerdi qoldaý, olarǵa jol ashý jyl saıyn uıymdastyrylyp keledi. Búgingi joba – erteńgi bir-bir bıznes. Biz úlestirgen granttar arqyly olar bıznestegi alǵashqy qadamyn jasaıdy. О́z isterin júzege asyrý arqyly el ekonomıkasyn damytady. Jeńimpazdardyń kásibine keń óris tileımin», deıdi qalalyq máslıhat tóraǵasy Altyntóre Jangeldiuly.
Qaraǵandy qalasy ákiminiń jastar arasyndaǵy kásipkerlikti damytýǵa jáne qoldaýǵa arnalǵan granty úshinshi jyl qatarynan berilip otyr. Osy ýaqyt aralyǵynda 118 jas kásipker óz bıznesin bastaǵan. Osy joly qala ákiminiń 1 500 000 teńge grantyn 10 kásipker ıelendi. Ásirese tyń jobanyń ıesi Aleksandr Ermolenkonyń joba-jospary birden qoldaý tapqan. Ol 3D prınter arqyly arnaıy qajettilikteri bar adamdarǵa protez jasaıdy. Grant qarajatyn soǵan jumsaıdy.
«Bul isti kóp ýaqyttan beri oılap júrgenmin. 3D tehnologııanyń múmkindigi mol bolyp tur. Sony ıgerip alyp, erekshe qajettiligi bar jandarǵa protez jasaýdyń jobasyn ázirledim. Árıne, júzege asyrý úshin alǵashqy kómek, ıaǵnı qarjy kerek. Birden qala ákiminiń grantyna ótinish joldadym. Rasymen, qazir bıznestegi básekelestik joǵary bolyp tur ǵoı. Biraq jobamnyń erekshe qajettiligi bar jandarǵa septigi tıetin bolǵandyqtan, grant ıegeri atanatynyma senimdi boldym. Grant aqshasyna prınter, kerek-jaraǵymdy alamyn. Iske kirisip, úmitti aqtaý kerek», deıdi Aleksandr Ermolenko.
Konkýrs komıssııasynyń tóraǵasy, qala ákiminiń orynbasary Dastan Qudabaev bıznestiń túrli baǵyty boıynsha ótinim túskenin, júzden júırik shyqqan jobalarǵa úlken senim artylatynyn aıtty.
«Sizder kásipkerlik joldy tańdadyńyzdar. Bul – bizdiń qalamyzdyń áleýmettik-ekonomıkalyq damýyndaǵy óte mańyzdy baǵyt. Jastardyń óz isin qurýǵa jáne damytýǵa degen umtylysy bar. Ásirese bıylǵy túsken ótinimder birinen-biri ótedi. Sonyń ishinen sizderdi úzdik dep tańdadyq. Sizderge endi úlken úmit artyldy. Jalpy aıtqanda, grantty óz isin jańa bastaǵan kásipkerler úshin eleýli qoldaý dep bilemiz. Endi elge paıdalaryńyz tıip, kásipterińiz órken jaısyn», dedi qala ákiminiń orynbasary Dastan Amangeldiuly.
Konkýrsqa taǵam túrleri boıynsha joba tapsyrǵandar arasynan Jazıra Dáribaıqyzy qoldaý tapty. Ol qurttyń jıyrmadan astam túrin óndiredi. Túıeniń, eshkiniń, sıyrdyń sútinen jasaıdy. Odan bólek, sarymaı, qaımaq, jent, qymyz sekildi aýyl sharýashylyǵy ónimderin ázirleıdi. «Ulttyq taǵamymyzdyń qoldaý tapqanyna qýanyshtymyn», deıdi ol.
Jobama bar kúshimdi saldym. Aýyl sharýashylyǵy ónimderine qoldaý kerektigin dáleldedim desem de bolady. Ulttyq taǵamnyń qunary óte joǵary. Boıynda barlyq dárýmen bar. Biz sekildi jas kásipkerlerdi qoldap, qarajat bergen qala ákimdigine aıtar alǵysymyz sheksiz», deıdi grant ıegeri Jazıra Dáribaıqyzy.
Qaraǵandy oblysy