Jergilikti polıseıler qaladaǵy turǵyn úı páterleriniń birinde veıp satqan 28 jastaǵy turǵyndy anyqtady. Onyń páter-qoımasynan 20 myńnan astam veıp tabyldy, dep jazady Egemen.kz.
Internet-dúken shtatynda ıesinen bólek 10 adam: satýshylar, kýrerler, suryptaýshylar, satýshy-dropper, revızor jumys istegen.
«Atalǵan derek boıynsha qylmystyq is qozǵaldy. Baptyń sanksııasy 200 AEK deıingi mólsherde aıyppul salýǵa nemese sol mólsherde túzeý jumystaryna, ne 200 saǵatqa deıingi merzimge qoǵamdyq jumystarǵa tartýǵa, ne 50 táýlikke deıingi merzimge qamaýǵa alýmen jazalaýdy kózdeıdi», delingen IIM habarlamasynda.