«QR halqy ýtıl alymy jáne bastapqy tirkeýge qarsy» petısııaǵa qatysty qorytyndy jarııalandy, dep jazady Egemen.kz.
Qoǵamnyń qyzý talqysynda bolǵan máseleni arnaıy qurylǵan jumys toby qarady. Bul quramda zańnamaǵa sáıkes múddeli memlekettik organdardyń ókilderi, Parlament depýtattary, ótinish berýshi jáne onyń ókilderi, sondaı-aq qoǵamdyq birlestikter boldy.
Jumys tobynyń otyrystaryn ótkizý boıynsha is-sharalar jospary ázirlengen. Onda Kókshetaý, Almaty, Semeı, Qostanaı qalalaryndaǵy mashına jasaý kásiporyndaryna barý boldy, oǵan «KAMAZ-Injınırıng», «Kazrost Engineering Ltd.», «Qazaqstan agroınnovasııalyq korporasııasy», «Hyundai Trans Almaty», «Hyundai Trans Kazakhstan», «SemAZ», «Daewoo Bus Kazakhstan» zaýyttary kirgen.
«Petısııany qaraý barysynda onyń avtory men bastamashyl toby qaıta óńdeý tólemin engizý básekelestiktiń buzylýyna ákelip soqtyrǵanyn jáne sonyń saldarynan avtokólikterdiń, aýylsharýashylyq tehnıkalary men arnaıy tehnıkalardyń baǵasynyń kúrt ósýine sondaı-aq avtokólik parkiniń eskirýine ákeldi degen ýájderin aıtty. Sondaı-aq petısııada «Jasyl Damý» AQ ýtılızasııalaý jónindegi mindettemelerin oryndamaı, Ekologııalyq kodeks talaptaryn buzyp otyrǵany aıtylǵan.
Ýákiletti memlekettik organdar men uıymdar ótinishtiń dálelderimen jáne oǵan kelip túsken eskertýlermen kelispeıtinin bildirdi.
«QR О́nerkásip jáne qurylys mınıstrligi petısııany qanaǵattandyrýdan bas tartý týraly sheshim qabyldady», delingen vedomstvo habarlamasynda.
Petısııa avtory ákimshilik aktini qabyldaýǵa baılanysty áreketke (áreketsizdikke) shaǵym jasaýǵa quqyly.