Bilim báıgesiniń berenderi

Jas fızıkter

О́tken aptada ozat oqýshy­la­rymyz ISPHO fızıkadan halyq­aralyq ǵylymı olımpıadasyn­da bes birdeı júldeni jeńip aldy. Reseıdiń Hanty-Mansıısk qalasyn­da ótken baıqaýdyń nátıjesinde biz­diń balalar eki altyn, eki kúmis jáne bir qola medal oljalap, atalǵan saıysqa qatysqan 17 eldiń arasynda jalpykomandalyq ekinshi oryndy ıelendi.

Bul – úlken jetistik. Osyndaı úzdik nátıje kórsetken Qazaqstan komandasynyń quramynda Almaty qalasyndaǵy respýblıkalyq fızıka-matematıka mektebiniń túlegi Marǵulan Nursaǵatov, Almaty qa­la­sy «Mıras» halyqaralyq mek­te­biniń 11-synyp oqýshysy Dosjan Bısımbı, Astana qalasy daryndy jasóspirimderge arnalǵan «Bilim-ınnovasııa» lıseıiniń túlegi Ámir Pshenbaev, Aqtóbe oblystyq da­ryndy jasóspirimderge arnal­ǵan «Bilim-ınnovasııa» mamandan­dy­ryl­ǵan lı­seı-ınternatynyń túlegi Artýr Kım, Astana qalasy respýblıka­lyq fızıka-matematıka mektebi­niń 9-synyp oqýshysy Ilııas Qazym­bek bar. Olarǵa jetekshilik etken – Súleımen Demırel atyn­daǵy ýnı­versıtettiń dosenti, PhD Samat Maq­sutov pen atalǵan joǵa­ry oqý or­nynyń magıstri Nazaralı Aıtjanov.

Oqyrmandarǵa túsinikti bolý úshin aıta keteıik, ISPhO – ár eki jylda bir ret bolatyn, aǵylshyn tilinde ótetin, teorııalyq jáne eks­perımenttik kezeńderden turatyn is-shara. Olımpıada aıaqtalǵannan keıin bizdiń qurama Máskeý fızıka-tehnıkalyq ınstıtýtynda ótetin oqý-jattyǵý jıyndaryna qaty­sady. Bul olarǵa osydan keıingi bilim báıgelerinde budan da úzdik nátıje kórsetýge kómektesedi.

Úzdik geograftar

Jaqynda taǵy birqatar ozat óre­nimiz halyqaralyq aqyl-oı jarysynda top jardy. 2015 jyldan beri ótkizilip kele jatqan EgeO – geografııa­dan Eýropalyq olımpıa­dada Qazaqstan quramasy alty medal jeńip aldy.

Oqý-aǵartý mınıstrligi habar­laǵandaı, Serbııanyń Belgrad qala­synda EGeO geografııadan Eýro­palyq olımpıadada Qazaqstan qu­ramasy alty medal jeńip aldy, bul oqýshylarymyzdyń joǵary da­ıyndyq deńgeıin kórsetedi.

Halyqaralyq bilim saıysynda el namysyn qorǵaǵan Qazaqstan quramasynda Shymkent qalasyndaǵy hımııa-matematıka baǵytyndaǵy zııatkerlik mekteptiń 11-synyp oqý­shysy Sydyqov Arsen, Qostanaı qalasyndaǵy fızıka-matematıka baǵytyndaǵy zııatkerlik mekteptiń 9-synyp oqýshysy Enbahtov Andreı, Taldyqorǵan qalasyndaǵy fızı­ka-matematıka baǵytyndaǵy zııatker­lik mekteptiń 11-synyp oqýshysy Bolat Aqjol, Shymkent qalasy hı­mııa-bıologııa baǵytyndaǵy zııatkerlik mekteptiń 11-synyp oqý­shysy Serik­­baı Qanat, О́skemen qala­syn­­daǵy Shyǵys Qazaqstan oblys­tyq da­ryn­dy balalarǵa arnalǵan ma­man­­­­dandyrylǵan «Bilim-ınno­va­sııa» lıseıiniń 9-synyp oqýshysy Darynov Ámir, Jambyl oblysy­nyń daryndy balalarǵa arnalǵan maman­dandyrylǵan «Daryn» lı­seı-ın­ter­natynyń 11-synyp oqýshy­sy Sabyr Jomart bar. Al baıqaýda jo­­ǵary daıyndyq deń­geıin kórset­ken osy qurama komandanyń jetek­shisi – Abaı Dúısen, ózi de – res­pýb­lıkalyq já­ne halyqaralyq olım­pıadalardyń jeńimpazy.

Matematıka myqtylary

Jasóspirimder arasynda ót­ken JBMO-2024 Balqan matematı­ka ­olımpıadasynda Qazaqstan qu­ra­masy 100 paıyz nátıje kór­se­tip, júl­deli oryndarǵa ıe boldy. Atal­ǵan olım­pıada Túrkııanyń An­talııa qa­la­syndaǵy Balqan túbe­ginde álemniń 22 elinen kelgen 135 oqý­shy arasynda ótti.

Qazaqstan quramasynda Astana qalasyndaǵy «Bilim-ınnovasııa» lıseı-ınternatynyń 8-synyp oqý­shysy Alıasqar Sultanálı, Al­ma­ty qalasyndaǵy fızıka-matema­tıka baǵytyndaǵy zııatkerlik mek­teptiń 9-synyp oqýshysy Álı Erke­bulanuly, Atyraý oblystyq №1 «Bilim-ınnovasııa» lıseı-ın­ter­natynyń 9-synyp oqýshysy Berdibek Orynbasar, Qyzylorda oblystyq №9 daryndy balalarǵa arnalǵan «Bilim-ınnovasııa» lı­seı-ınternatynyń 9-synyp oqý­shysy Arnur Ansatov, Almaty qala­syndaǵy respýblıka­lyq fızıka-ma­tematıka mektebiniń ­9-synyp oqý­shysy Erık Lım, Qyzylorda oblys­tyq №9 daryndy bala­larǵa ar­nalǵan «Bilim-ınno­vasııa» lıseı-ınternatynyń 9-synyp oqý­shysy Asqar Muhtaruly bar. Qu­rama komandanyń jetekshisi – M.V.Lo­monosov atyndaǵy MMÝ Qazaq­standyq fılıalynyń irgeli jáne qoldanbaly matematıka kafed­rasynyń dosenti, fızıka-matematıka ǵylymdarynyń kandıdaty Anton Vasılev. Ozat oqýshylarymyz Bal­qan túbegindegi bul bilim báıgesinen alty medal oljalady.

Aýyl balalarynyń júldesi

Jaqynda ótken jarystan aýyl balalary júldeli oraldy. Any­ǵy­raq aıtsaq, Jetisý oblysynan shyq­qan aýyl oqýshylary Qytaıda ótken «FIRST Lego League» robottehnıka boıynsha ulttyq chempıonatynda kúmis júldeni jeńip aldy.

Bizdiń oqýshylar «О́nerdegi ın­novasııa» taqyrybynda LEGO-dan ­robottehnıka ázirlemelerin daıar­lap, «fokýstar kórsetý» baǵ­dar­lamasy ornatylǵan ınteraktıvti robot­­tar qurastyrdy. Úsh kúnge so­zylǵan jarys qorytyndysy boıynsha Qazaqstan quramasy 6-10 jas ara­ly­ǵyndaǵy 238 komandanyń arasyn­da kúmis júldege qol jetkizip, ekin­shi oryndy ıelendi.

Elimizdiń namysyn Jetisý obly­syndaǵy aýyl mektepteriniń jáne Taldyqorǵan qalasynyń basta­ýysh­ synyp oqýshylary Nursultan Bek­sultanov, Nurbolat Alınur jáne Nurjan Jantóre qorǵady. Olardyń jetekshisi – Albına Qojantaı.

Aýstralııada alǵan grant

Ozat oqýshylarymyzdan qural­ǵan Qazaqstannyń quramasy osy aptanyń basynda Aýstralııada robo­ttehnıkadan ótken chempıo­natta eki júldeni qanjyǵaǵa baılady. Olar «FIRST Tech Challenge» kate­gorııasy boıynsha «Asia Pacific Open Championship» halyqaralyq chempıonatynyń jeńimpazy atandy.Oqý-aǵartý mınıstrliginiń ta­rat­qan aqparatyna súıensek, ja­rys­qa 11 elden barlyǵy 400-ge jýyq bala qatysty. Fınaldyq kezdesýde qazaqstandyq mektep oqýshylary BAÁ komandasymen odaqtasyp, je­ńiske jetý úshin kúresti. Eki kúnniń qorytyndysy boıynsha oqýshylar eki marapat: Finalist Alliance Captain jáne «Motivate Award» atalymynda birinshi oryndy ıelendi.

Elimizdiń atynan «Bilim-ınno­vasııa» lıseıi men Respýb­lıkalyq fızıka-matematıka mektebiniń 11-synyp oqýshylary: Daryn Smaıyl, Arnar Dáýletqul, Ádil Tursyn­ǵalı, Abbas Pahrıdın, Osman Akıpbek, Asylhan Ybyraı, Ilııas Áshir­alın, Aldııar Dáýletuly, Janaıym Sabyrjan, Ǵazıza Kýngojına qatysty.

«Alǵashqy eki kúnde biz jeńilissiz alǵa shyqtyq. Oıynnyń sońǵy kúni qıynyraq boldy, biraq fınalǵa óttik. Biz robot oıynynda jaqsy óner kórsetip qana qoımaı, qazylar alqasynyń aldynda óz portfolıo­myzdy qorǵaı alǵanymyzǵa óte qýa­nyshtymyz», deıdi komanda kapıtany Daryn Smaıl.

Aıta keteıik, atalǵan chempıonatta jeńiske jetý bul balalarǵa álemdik jetekshi joǵary oqý oryndaryna grant alýǵa jol ashady.