Abaı oblysynda mamandandyrylǵan mektep-gımnazııa-ınternatynyń muǵalimi Erqanat Sádýhanov ıspandyq ánshimen birge án jazatyn boldy, dep habarlaıdy Egemen.kz.
Bilim salasynyń qyzmetkeri Eraholic laqap atymen tanymal. Jaqynda oǵan álemge áıgili ıspandyq ánshi Rosalia-dan jańa ándi birge jazýǵa usynys túsken.
Ákimdiktiń málimetinshe, Eraholic buryn tanymal sheteldik ánshi Dua Lipamen jumys istegen. Endi óz qabiletin taǵy shyńdap, ózin jańa baǵytta synap kórmek. Onyń aıtýynsha, ánshi ózi usynys aıtyp baılanysqa shyqqannan keıin birge jumys isteýge kelisken.
Bolashaq týyndy Qazaqstanda tanymal bolyp kele jatqan reggeton stılinde latyn motıvterinde jazylady. Sonymen qatar Erqanat qazir basqa da iri sheteldik ártistermen kelissózder júrgizýde. Ásirese jas ártistermen birge jumys istep keledi.
Aıta keteıik, Erqanat Sadýhanov mektepte bıologııa pániniń muǵalimi, 7-10 synyptarda sabaq beredi. 10 jylǵa jýyq ánderge aranjırovka jazýmen aınalysady.