Aqtóbedegi jeke kompanııanyń býhgalteri 6 mıllıon teńgeden astam aqsha urlap, anasynyń banktik shotyna aýdaryp jibergen, dep habarlaıdy Egemen.kz.
"Dıapazon" basylymnyń jazýynsha, 51 jastaǵy aqtóbelik turǵyn jeke kompanııaǵa bas býhgalter bolyp ornalasqan. Arada tórt aı ótken soń jumys ornynan aqsha urlaı bastaǵan.
- Ol anasynyń banktik shotyna mıllıondaǵan teńgeniń birneshe transhyn aýdarǵan, al eseptik qujattamada bul jetkizilgen taýar úshin aqsha ekenin kórsetken. Birneshe aıdyń ishinde ol kompanııanyń shotynan 6 mıllıon teńge urlap ketti. Anasy qyzynyń qarjylyq aıla-amaldary týraly bilmegen, tek nesıesin óteý úshin banktik kartasyn bergenin aıtty, - dep habarlady basylym.
Sot úkimine deıin burynǵy bas býhgalter zalaldyń jartysyna jýyǵyn ótegen, biraq bul ony jazadan qutqarǵan joq. Sot áıeldi 3 jylǵa bas bostandyǵynan aıyrdy, biraq kishi balasy 14 jasqa tolǵanǵa deıin bir jylǵa keıinge shegerildi.