22 shildede Qazaqstan aýmaǵynda bolatyn sınoptıkalyq jaǵdaı men qaýipti aýa raıy qubylysynyń boljamy jarııalandy, dep habarlaıdy Egemen.kz.
Mamandardyń aıtýynsha, ońtústik sıklonnyń jáne onymen baılanysty atmosferalyq frontaldy ýchaskelerdiń áserinen respýblıkanyń basym bóliginde turaqsyz aýa raıy saqtalady. Soltústikte, ońtústik-batysta, shyǵysta naızaǵaı oınap, burshaq jaýyp, ekpindi jel soǵady.
Qazaqstan Respýblıkasynyń soltústiginde, ortalyǵynda túnde jáne tańerteń tuman túsedi. Kúndiz Atyraý, Almaty, Batys Qazaqstan oblystarynda, Jetisý oblysynda, Aqtóbe oblysynyń batysy men ońtústiginde qatty ystyq kútiledi.
Atyraýda, soltústik-batysta, ortalyqta, Batys Qazaqstan oblysynyń ońtústik-shyǵysynda, batysynda, Jambyl oblysynyń ońtústik-shyǵysynda, Aqtóbe oblysynyń ońtústik-batysynda, Shyǵys Qazaqstan oblysynyń ońtústik-shyǵysynda, Pavlodar oblysynyń shyǵysynda, Ulytaý oblysynyń batysynda, Abaı oblysynyń ortalyǵynda joǵary órt qaýpi saqtalady.
Mańǵystaý, Atyraý oblystarynyń ońtústiginde, shyǵysynda, soltústik-batysynda, Qostanaı oblysynyń ońtústiginde, Túrkistan oblysynyń shóldi aımaqtarynda, ortalyqta, Qyzylorda oblysynyń ońtústiginde, Batys Qazaqstan oblysynyń batysynda, ońtústiginde óte joǵary órt qaýpi kútiledi.