Aqtóbe oblysynda sý tasqyny kezinde zardap shekken bıznes ókilderine materıaldyq zalaldy óteý sharalary jalǵasyp jatyr, dep habarlaıdy Egemen.kz.
О́ńir ákimdiginiń baspasóz qyzmeti málim etkendeı, oblystyq kásipkerlik basqarmasynyń basshysy Almas Salyqbaevtyń tóraǵalyǵymen shaǵyn orta bıznes sýbektilerine keltirilgen múliktik shyǵyndardyń ótemaqysyn anyqtaý jónindegi óńirlik komıssııanyń otyrysy ótti.
Komıssııa 6 obektini (Aqtóbe qalasy jáne Temir aýdanynda ornalasqan) qanaǵattandyrý jáne 63,5 mln teńge kólemindegi zalaldy tóleý týraly sheshim qabyldady.
Habarlamada: «Komıssııa jumysynyń barlyq ýaqytynda 22 kásipker ótinish bildirip, 17-si 230,7 mln somasyna zalaldy óteýge maquldaý aldy», delingen.
Oblysta tasqynnan 69 sýbekt shyǵynǵa ushyraǵan. Esterińizge salaıyq, ótemaqy alýǵa ótinishter osy jyldyń 30 qarashasyna deıin qabyldanady.