Memleket basshysy Qasym-Jomart Toqaev Iran Prezıdentimen telefon arqyly sóılesti, dep habarlaıdy Egemen.kz Aqorda baspasóz qyzmetine silteme jasap.
Memleket basshysy Iran Islam Respýblıkasynyń jańadan saılanǵan Prezıdenti Masýd Pezeshkıandy jeńisimen quttyqtap, jaýapty memlekettik qyzmetine tabys tiledi.
Áńgimelesý barysynda eki el basshylary qazaq-ıran qatynastaryn odan ári nyǵaıtýǵa ózara nıetti ekenin rastady.
Taraptar saýda-ekonomıkalyq, kólik-logıstıkalyq jáne mádenı-gýmanıtarlyq salalardaǵy yntymaqtastyqtyń qazirgi jaı-kúıi men damý perspektıvalaryn talqylady. Sondaı-aq óńirlik jáne halyqaralyq kún tártibindegi ózekti máseleler jóninde pikir almasty.