21-22 qańtarda Qazaqstan Respýblıkasy Parlamenti Senaty Tóraǵasynyń orynbasary Asqar Beısenbaev bastaǵan qazaqstandyq parlamenttik delegasııa Ystambulda Islam Yntymaqtastyǵy Uıymy Parlamenttik odaǵynyń «HHI ǵasyrdaǵy qaterlerge jaýap: jahandyq beıbitshilikti, sot tóreligin, turaqtylyqty jáne qaýipsizdikti ornyqtyrý» taqyrybyna arnalǵan 10-shy sessııasyna qatysty.
IYU parlamenttik forýmy aıasynda qazaqstandyq delegasııa Túrkııanyń Uly Ulttyq Jınalysynyń Tóraǵasy J.Chıchekpen kezdesip, ekijaqty yntymaqtastyq máselelerin talqylady.
Túrkııamen strategııalyq áriptestiktiń mańyzy týraly aıta kelip, A.Beısenbaev Qazaqstan-Túrkııa yntymaqtastyǵynyń túrli salalardaǵy qarqyndy damýyna toqtaldy jáne eki eldiń parlamentterinde jumys isteıtin «Qazaqstan-Túrkııa» parlamentaralyq dostyq tobynyń áleýetin jan-jaqty óristetý qajettigin atap ótti. Kezdesýge senator L.Turlashov, sondaı-aq, Májilis depýtaty T.Ibraev pen M.Ahmadıev qatysty, dep habarlady Senattyń baspasóz qyzmeti.