XXXIII jazǵy Olımpıada oıyndarynyń bastaý alýyna 3 kún qaldy. Álemniń áıgili ári úzdik sportshylary bas qosatyn synǵa Qazaqstan atletteriniń alǵashqy legi de attandy, dep jazady Egemen.kz.
Parıj Olımpıadasynda el namysyn 80 otandasymyz 25 sport túrinen qorǵaıdy. Qorjynda 92 joldama bar.
Olımpıadalyq quramnyń osy jolǵy ereksheligi retinde alǵash ret «altyny» sarapqa salynatyn breıkıng jáne badmıntonnan Qazaqstan ókilderi joldamany qarmap qaldy.
El sportshylarynyń arasynda Olımpııa oıyndarynda eń jas sportshy retinde Batyrhan Tóleýǵalı (17 jas), eń egde sportshy semserlesýden Elmır Álimjanov (37 jas) baq synaıdy.
О́zbekstan joldama sany jaǵynan Qazaqstandy basyp ozdy. Ortalyq Azııadaǵy ózge memleketter Olımpıadaǵa neshe sportshy qosqanyn tilshimiz Almas Manaptyń Parıj tórinen qandaı syı buıyrady maqalasynan tolyq oqı alasyz.