Shymkenttegi О́.Jánibekov atyndaǵy Ońtústik Qazaqstan pedagogıkalyq ýnıversıtetinde memlekettik «Serpin» baǵdarlamasynyń 10 jyldyǵyna arnalǵan mazmundy is-shara ótti. Oǵan akademık E.A.Bóketov atyndaǵy Qaraǵandy zertteý ýnıversıtetiniń rektory, akademık Nurlan Dýlatbekov qatysty.
«Elimizde on jyldan beri «Serpin» baǵdarlamasy júzege asyp keledi. Baǵdarlamanyń maqsaty maman daıarlaý ǵana emes, sonymen birge onyń astarynda saıası-áleýmettik, ekonomıkalyq úlken ıdeıa jatyr. Búgingi tańda «Serpin» baǵdarlamasymen elimizde 19 joǵary oqý orny mamandar daıarlaıdy. Elimizdiń oństústigi men batys óńirleriniń talapkerlerine jyl saıyn 3-4 myń grant bólinip, olarǵa bar áleýmettik jaǵdaı jasalǵan. Osy oraıda «Serpinmen» oqýǵa túsken stýdentter soltústik, shyǵys aımaqtardaǵy joǵary oqý oryndarynda pedagogıkalyq, ınjener-tehnıkalyq, aqparattyq tehnologııa, aýyl sharýashylyǵy mamandyqtary boıynsha bilim alady. Soltústik óńirde «Serpinmen» bitirgen mamandarǵa suranys óte joǵary. Sebebi olar – bul aımaqtarǵa qajet mamandardy toltyratyn jumys kúshi. Qazir akademık E.A.Bóketov atyndaǵy Qaraǵandy zertteý ýnıversıtetinde 2000-ǵa jýyq stýdent «Serpin» baǵdarlamasymen oqıdy. Olardyń jumysqa ornalasý kórsetkishi de 80 paıyzdan asady. Memlekettik qoldaýdyń nátıjesinde ońtústik jastary soltústik aımaqtarda jumysqa ornalasyp, sol jerde ornyǵyp qalýy el ekonomıkasynyń kúsheıýine oń septigin tıgizedi. Al «Serpinmen» oqýǵa túsýge qarastyrylǵan jeńildiktiń biri – ol tómengi test balymen grantqa túsý múmkindigi joǵary bolýy. Sonymen birge stýdentter oqıtyn ýnıversıtetterde shákirtaqy men tegin nemese baǵasy arzan jataqhanalar qarastyrylǵan», dedi N.Dýlatbekov.
Sondaı-aq E.A.Bóketov atyndaǵy Qaraǵandy zertteý ýnıversıteti rektorynyń aıtýynsha, «Serpin» baǵdarlamasy boıynsha, ásirese pedagogıkalyq mamandyqtarǵa suranys kóp. Budan bólek, bıyl shákirtaqy kólemi de ósken. Baǵdarlamada qaralǵan taǵy bir jeńildik: buryn granttyń ótemi retinde oqý bitirgen stýdent 3 jyl sonda qalyp jumys istese, qazir bul merzim 2 jylǵa qysqarǵan. Sonymen qatar bir ǵana oblyspen shektelmeıdi. Respýblıkanyń 11 óńiriniń birine joldanady. «Serpinniń» endi bir paıdasy – ońtústik pen batys óńirleriniń stýdentteri soltústik pen shyǵysqa oqýǵa baryp, túbinde sol jaqta turaqtap qalsa, ishki kóshi-qon máselesi de retteledi.
Akademık E.A.Bóketov atyndaǵy Qaraǵandy zertteý ýnıversıtetiniń rektory N.Dýlatbekov Instagram áleýmettik jelisi arqyly ata-analar men talapkerlerden saýal kóp túsetinin aıtady. Mine, ońtústikke arnaıy kelýiniń bir sebebi osy. Rektor kún saıyn jeke ózi ýnıversıtettiń Instagram jelisiniń paraqshasynda 40-50-ge jýyq talapkermen tildesetinin jetkizdi. Bul mektep túlekteri men olardyń ata-analarynyń memlekettik «Serpin» baǵdarlamasyna qyzyǵýshylyǵy joǵary ekenin aıǵaqtaıdy.
Al «Serpinmen» bala oqytyp jatqan respýblıkadaǵy 19 joǵary oqý ornynyń ishinde akademık E.A.Bóketov atyndaǵy Qaraǵandy zertteý ýnıversıtetiniń bási bıik. Sebebi búginde elimizde 6000-daı stýdent atalǵan baǵdarlamamen bilim alsa, sonyń 2000-y Qaraǵandy zertteý ýnıversıtetiniń úlesine tıesili. Al talapkerlerdiń deni 19 joǵary oqý ornynan akademık E.A.Bóketov esimin ıelengen oqý ornyn tańdaýy – bilim sapasy myqty bolsa kerek. Sondaı-aq munda stýdentterge barlyq áleýmettik jaǵdaı jasalǵan.
Al О́.Jánibekov atyndaǵy Ońtústik Qazaqstan pedagogıkalyq ýnıversıtetiniń qujat qabyldaý bólmesi naǵyz qarbalas. Osynda qujat ótkizip júrgen talapkerlerdi ata-analarymen kóp kezdestirdik. Sonyń biri – Túrkistan oblysy Báıdibek aýdanynyń ortalyǵy Shaıan eldi mekenindegi S.Japparov atyndaǵy orta mekteptiń túlegi Láılá Áset. Ol ulttyq biryńǵaı testileýden 89 ball jınap, grantqa ilige almaǵannan keıin «Serpin» arqyly oqýǵa túsýge qujatyn arqalap osynda kelgen.
«Anamnyń aqylymen ári ózimniń qalaýymmen memlekettik baǵdarlamanyń múmkindigin paıdalanyp kórsem deımin. Sol maqsatpen úmitimdi úkilep, qujatymdy ákep tapsyrdym. О́tinimge Arqalyq, О́skemen, Semeı, Qaraǵandy, Kókshetaý, Petropavl qalalaryn tańdadym. Qazaq tili men ádebıeti pániniń muǵalimi mamandyǵy boıynsha bilim alǵym keledi. Bárinen buryn meni tegin oqý qyzyqtyrdy. Stýdentterge de jaqsy jaǵdaı jasalǵan dep estidim. Sondyqtan týǵan jerimnen jyraqta oqýǵa bel baılap otyrmyn. Onyń ústine qazaqtyń zııaly qaýymynyń altyn besigi bolǵan Arqa men Semeı óńiriniń joǵary oqý oryndarynda bilim sapasy myqty ekeni belgili. Sondyqtan ult qaımaqtarynyń izi qalǵan jerde bilim qýyp, naǵyz maman ıesi atansam degen nıetim bar», dedi ol.
Aıta keteıik, jalpy grant konkýrsyna qujat qabyldaý rásimi bıylǵy 13-20 shilde aralyǵynda ótse, Aqmola, Aqtóbe, Atyraý, Batys Qazaqstan, Qostanaı, Soltústik Qazaqstan oblystarynyń talapkerleri úshin bul merzim 13-24 shildege deıin jalǵasady.
ShYMKENT