ATYRAÝ. 26 sáýir. Atyraý jurtshylyǵy daýys berýde erekshe belsendilik tanytýda. Ásirese, jastardyń óz tańdaýyn jasaýǵa asqan jaýapkershilikpen qaraǵany kóńil qýantady. Sondaı jastardyń biri, Halel Dosmuhamedov atyndaǵy Atyraý memlekettik ýnıversıtetiniń 2-kýrs stýdenti Gúldana Elemesova saılaý bolatyn kúndi erekshe tebirenispen kútkenin aıtty Bul týraly egemen.kz habarlady.
«Bul kúndi men erekshe bir tolqynyspen kúttim. О́ıtkeni, bıyl 26 sáýirdiń men úshin eki ereksheligi bar. Birinshiden, men de zamandastarym sekildi saılaýda alǵash ret daýys berip, óz tańdaýymdy jasaıtyn múmkindikke ıe boldym. Sóıtip, órkenıetti elder qatarynan oryn alyp, qýatty memleket retinde qalyptasa bastaǵan súıikti Otanym – Qazaqstannyń jarqyn keleshegi úshin daýys berdim», – deıdi Gúldana.
Elimizdegi saıası turaqtylyqqa, tatýlyq pen dostyqqa toqtalǵan jas saılaýshy otandyq óndiristiń keń qanat jaıǵanyn jáne jańa tehnologııalar men osy zamanǵy qural-jabdyqtardy ózimiz shyǵarýǵa qol jetkizgenimizdi tilge tıek etti
«Prezıdent saılaýy 26 sáýirge taǵaıyndalǵanyn estigenimde qatty tolqydym, ári qýandym. О́ıtkeni, bul kún – meniń týǵan kúnim. Jyl saıyn jaryq dúnıege qadam basqan ataýly kúnimdi taǵatsyzdana tosýshy edim. Al bıyl Prezıdent saılaýymen tuspa-tus kelgendikten bul kúndi erekshe bir tebirenispen kúttim. Sol sebepti de, bıylǵy týǵan kúnim ómirimde erekshe este saqtalatyn boldy», – deıdi el bolashaǵyna beı-jaı qaramaǵan qaryndasymyz.
Joldasbek Shópeǵul.
Derek, sýret: egemen.kz.