Adamdardy izdestirý jumystary áli de jalǵasyp jatyr, dep habarlaıdy Egemen.kz.
Newscentral.africa basylymynyń habarlaýynsha, seısenbide úkimet ókilderi Efıopııanyń ońtústiginde bolǵan eki kóshkin saldarynan qaza tapqandar sany 157-ge deıin óskenin málimdegen. Kóz jumǵandar sany áli de artýy múmkin.
Aıta keteıik, tabıǵı apat Efıopııanyń ońtústigindegi Gofa aımaǵynda bolǵan.
El sheneýnikteriniń aıtýynsha, jalpy eki kóshkin bolǵan. Birinshi kóshkinnen keıin turǵyndar zardap shekkenderge kómekke asyqqan, biraq olar ekinshi kóshkinniń astynda qalyp qoıǵan.
«Izdestirý jumystary jalǵasyp jatyr, áli de tabylmaǵandar bar. Aýdan óte kúrdeli. Osy ýaqytqa deıin eki aýyldan 157 máıitti shyǵardyq. Marqumdardyń sany áli de ósýi múmkin dep oılaımyz», dedi Gofa aımaǵyndaǵy tabıǵı apattardy joıý jónindegi Ulttyq agenttik basshysy Markos Meles.
Anyqtalǵandaı, kóz jumǵandar arasynda áıelder men balalar sany basym.