Bizde Zoom-nyń balamasy bar. Vıdeo-konferensııalarǵa arnalǵan otandyq «Qosyl» qosymshasy memlekettik organdarda testileýden ótkizilgen-tuǵyn.
Otandyq ónimniń ereksheligi – ýaqyt jaǵynan shekteý joq. Baǵdarlamany beıimdep, bilim berý isinde de qoldanýǵa bolady. «Júıe tek el aýmaǵyndaǵy serverlerde qoldaný úshin qarastyrylǵandyqtan, ózge memlekettermen aqparat almasýdyń aldyn alady. Onyń ústine «Qosyl» aqparattyq qaýipsizdikti talap etetin barlyq tekseristerden súrinbeı ótti. Júıe beınejınalys ótkizý úshin qajet barlyq fýnksıonaldyq múmkindikterge ıe», dedi «Qosyl» jobasynyń jetekshisi Nýrıslam Isakov.