Qazaqstan Qytaıǵa 75 mln dollarǵa et pen mal jetkizýdi josparlap otyr. Respýblıkanyń aýyl sharýashylyǵy salasynda Qazaqstan-Qytaı seriktestiginiń mańyzdylyǵy artyp keledi.
Qazaqstan Qytaıǵa 75 mln dollar bolatyn et pen mal jetkizýdi josparlap otyr. Bul sheshimge Aýyl sharýashylyǵy mınıstrliginiń ókilderi men Qytaıdyń «CITIC Construction» jáne «Beijing Capital Agro» kompanııalarynyń basshylyq quramy kezdesýiniń arqasynda qol jetken. Kezdesýge Qazaqstannyń «Meat processing and Servis company», «Elimaı Kókpekti», «Astana Agro Prodýkt» JShS, «Agro Silk Way», «Jake» ShQ, «Qazaqstan et odaǵy» qaýymdastyǵynyń ókilderi qatysqan.
– Qazaqstannyń Aýyl sharýashylyǵy mınıstrligi Memleket basshysynyń eksportty ulǵaıtý jónindegi tapsyrmasy jáne Qazaqstan men QHR arasynda qol qoıylǵan veterınarlyq talaptar jónindegi hattama sheńberinde jumysty jalǵastyryp jatyr, – delingen basylym maqalasynda. Sondaı-aq mınıstrlik aýyl sharýashylyǵy salasyndaǵy Qazaqstan-Qytaı seriktestiginiń mańyzdylyǵyna jeke toqtalǵan. Byltyr Qazaqstan men QHR arasyndaǵy AО́K ónimderiniń taýar aınalymy 1,3 mlrd dollardy qurady, bul 2022 jylmen salystyrǵanda 67 paıyzǵa artyq. QHR-ǵa aýyl sharýashylyǵy ónimderin eksporttaý kólemi 2 ese ósip, 1 mlrd dollarǵa jetti. Endigi jerde mal sharýashylyǵy ónimderi esebinen eksport kólemi ulǵaıtylmaq.