Elbasy Nursultan Nazarbaev AQSh Prezıdenti Barak Obamamen telefon arqyly sóılesti, dep habarlady Prezıdenttiń baspasóz qyzmeti.
Áńgime barysynda Qazaqstan-Amerıka qarym-qatynasynyń ahýaly men perspektıvalary, sondaı-aq, halyqaralyq kún tártibindegi ózekti máseleler qarastyryldy.
Eki eldiń basshylary Ýkraınanyń ońtústik-shyǵysyndaǵy jaǵdaıdy talqylady. Nursultan Nazarbaev Qazaqstan tarapynyń kózqarasy boıynsha Ýkraına, Reseı, Germanııa jáne Fransııa basshylary deńgeıindegi kelissózder arqyly sheshilýi múmkin osy máselemen jeke ózi aınalysyp jatqanyn aıtty.
Qazaqstan Prezıdenti amerıkalyq áriptesinen Ýkraına máselesi boıynsha ortaq mámile jolyn izdestirý isine meılinshe belsendi qatysýdy ótindi.
Memleket basshysy Reseıge qatysty ekonomıkalyq sanksııalar Ortalyq Azııa óńirine de yqpal etip jatqanyna toqtaldy.
AQSh Prezıdenti Ýkraınadaǵy jaǵdaıdy dıplomatııalyq jolmen sheshýdi jaqtaıtynyna Nursultan Nazarbaevty sendire otyryp, bul úshin birinshi kezekte Mınsk ýaǵdalastyqtaryn oryndaý qajettigin atap ótti.
B.Obama, sondaı-aq, Qazaqstannyń halyqaralyq qaýipsizdikti nyǵaıtý isine jumsaǵan kúsh-jigerin joǵary baǵalady jáne Memleket basshysynyń Ýkraınadaǵy qaqtyǵysty beıbit jolmen sheshý isine belsendi atsalysa beretinine senim bildirdi.
Telefon arqyly sóılesýge Amerıka jaǵy bastamashylyq etti.