«Tesla» adam tárizdi robottardyń jappaı óndirisin bastamaq. Olar qorap tasyp, gúlderdi sýara alady. Qazir zaýytta synaq rejiminde jumys istep jatyr.
Bul týraly Ilon Mask áleýmettik jeli paraqshasynda habarlady. Onyń aıtýynsha, jappaı óndiris 2026 jyly qolǵa alynady. Ár qultemir shamamen 20 myń dollardan satylady. Negizi «Tesla» osydan 2 jyl buryn «Optımýs» dep atalatyn adam tárizdi robottyń prototıpin kópshilikke tanystyrǵan edi. «Jasandy ıntellektiniń kómegimen jumys isteıtin osyndaı qultemirler bolashaqta maman tapshylyǵy máselesin túbegeıli sheshedi», deıdi Ilon Mask.