AQSh vıse-prezıdenti Kamala Harrıs qarashada ótetin saılaýǵa qatysatynyn málimdedi, dep habarlaıdy Egemen.kz.
Bul týraly Kamala Harrıs X-tegi paraqshasynda jazdy.
«Men Amerıka Qurama Shtattarynyń prezıdenttigine úmitkermin», dep jazdy Kamala Harrıs.
Sondaı-aq vıse-prezıdent óziniń úgit-nasıhat vıdeosyn jarııalady.
Aıta keteıik, buǵan deıin Djo Baıden AQSh prezıdenti saılaýynan bas tartqanyn málimdegen bolatyn. Baıden óz málimdemesinde merzim aıaqtalǵanǵa deıin prezıdent bolyp qalatynyn, biraq qaıta saılanýǵa umtylmaıtynyn atap ótti. Sonymen qatar prezıdent saılaýyna úmitker retinde óziniń orynbasary, vıse-prezıdent Kamala Harrısti usyndy.
Kamala Harrıstiń saılaý naýqanyna AQSh turǵyndary birneshe saǵat ishinde 46 mıllıon dollardan astam qarajat jınaǵany belgili boldy.
AQSh prezıdentiniń saılaýy 5 qarashada ótedi.