Túrkistandyq túlek Damır Aıýpov 45 sheteldik joǵary oqý ornynan shaqyrtý alǵan. Ol AQSh, Shveısarııa, Germanııa, Ispanııa, Malaızııa, Shotlandııadaǵy kez-kelgen tańdaǵan ýnıversıtetinde bilim alady, dep habarlaıdy Egemen.kz.
Túrkistan qalasyndaǵy № 15 orta mekteptiń túlegi Damır Aıýpov Ulttyq biryńǵaı testileýden 133 ball jınaǵan.
«Mektepte geografııa, matematıka, aǵylshyn tiline kóp kóńil bóletinmin. Meniń josparymda IT salasyn tańdaý boldy. Alaıda 11-synypta josparymdy ózgerttim, ókinbeımin. Qazir bıznes baǵytyn tańdadym», dedi Damır Aıýpov.
Damır Aıýpov barlyq elderdiń ishinen Praganyń Chehııa qalasyn tańdaǵan. Onyń aıtýynsha, ol Chehııada bilim alý úshin bir jylyn til úırenýge jumsaıdy.
«Shetelde 3 jyl oqımyn, 1 jyldan keıin osy eldiń tilin úırenemin. Meni 2,5 mıllıon teńge stıpendııasy bar ýnıversıtetter shaqyrdy, biraq meniń qalaýym – Eýropa», dedi jas túlek.
Eske sala keteıik, buǵan deıin túrkistandyq túlek Islam Abdýrahmanov álemniń 6 elinde ornalasqan 40-tan astam ýnıversıtetten shaqyrtý alǵan bolatyn. Túlek BAÁ, AQSh, Anglııa, Polsha, Malaızııa, Shveısarııa elderiniń álemge áıgili ýnıversıtetteriniń grantyn jeńip alǵan.