Jobalar qoldaý tabýda

Aýyl sharýashylyǵy sala­syn damytý elimizdegi eń mańyz­dy mindet bolyp tabylady. Elbasy N.Nazarbaev óziniń «Qazaq­stan­-2050» Strategııasynda HHI ǵasyr­dyń on jahandyq syn-qate­rin atap óte kelip, «Úshinshi syn-qater – jahandyq azyq-túlik qaýipsizdigine tónetin qater. Álemdik halyq sany ósýiniń jo­ǵa­ry qarqyny azyq-túlik problemasyn kúrt shıelenistirip otyr. Búginniń ózinde álemde mıl­lıondaǵan adam ashtyqqa ushyrap, mıllıardqa jýyq adam taǵamnyń udaıy jetispeýshiligin bastan keshirýde. Tamaq ónimderin óndirýde revolıýsııalyq ózgerister jasamasa, osynaý úreıli sıfrlar tek óse túspek. Biz úshin bul syn-qater astarynda orasan zor múmkindikter bar. Biz qazirdiń ózinde astyq daqyldaryn asa iri eksporttaýshylar qataryna endik. Bizde asa iri ekologııalyq taza aýmaq­tar bar jáne ekologııalyq taza taǵam ónimderin shyǵara ala­myz. Aýylsharýashylyq óner­kásibinde sapaly sekiris jasaý tolyqtaı qolymyzdaǵy nárse. Bul úshin bizge jańa turpattaǵy memlekettik oı-sana qajet bolady», degen bolatyn. Elimizde qazirdiń ózinde agroónerkásip keshenin damytýǵa memleket tarapynan úlken qoldaý kórsetilip otyr. Aýyl sharýashylyǵy salasyn qarjylandyrý da jyl ótken jaqsara túsýde. Bul baǵytta birneshe qarjy ınstıtýttary jumys isteıdi. Salaǵa salynǵan qarjynyń qaıtarymdylyǵy qazirdiń ózinde nátıjesin bere bastady. Salada ilgerileý, sanada silkinis bar. Bul aýyl sharýa­shy­lyǵyn damytýda múm­kindigi­miz­diń mol ekenin dáleldeıdi.

О́ńirde tıimdi de júıeli jumys istep kele jatqan qar­jy ınstıtýttarynyń biri – «QazAgro­Qarjy» AQ. Aksıoner­lik qo­ǵamnyń Aqtóbe oblystyq fılıalynyń dırektory Qorǵan Nurtazınniń aıtýynsha, osy kom­panııa­nyń qarjylaı qoldaýymen oblysta azyq-túlik beldeýi quryl­ǵan. Eki taýarly-sút fermasy, shoshqa fermasy, eki reprodýktor, eki jylyjaı, kókónis qoımasy jáne birqatar aýylsharýashylyq ónimderin óńdeý kásiporyndary saly­nyp, paıdalanýǵa berilgen. 2000 jyldan beri oblystyń aýyl­sharýashylyq tehnıkalyq par­kin jańartý maqsatynda 24,2 mlrd. teńge qarjy qaralǵan. 2000 jyl­dan beri oblysta 478 aýyl­sharýashylyq qurylymyna 5937 mıllıon teńgeniń 976 tehnıkasy berilgen. – О́tken jyly 645,9 mıllıon teńgege 203 tehnıka satyp alýǵa 108 sharýashylyqpen 175 kelisim-shart jasaldy. Buryn kompanııa aýylsharýashylyq tehnıkasy ­jáne óńdeý qondyrǵylaryn satyp ­alý­dy qarjylandyrýǵa basymdyq be­rip kelse, endi óz ınvestısııa­synyń baǵyttaryn keńeıtýdi qolǵa aldy. Qazir otandyq agrobıznesti damytýǵa qajetti birqatar jańa ınno­vasııalyq jobalardy qarjy­landyrýǵa baǵyt ustalyp otyr. Kompanııanyń qazirgi negizigi ustan­­ǵan qaǵıdaty ol álemde tanyl­­ǵan jáne óziniń tıimdiligin kór­set­ken aýyl sharýashyly­ǵy­nyń jańa baǵyttaryn damytýdy qarjylaı qoldaý arqyly yntalandyrý bolyp tabylady, – deıdi Q.Nurtazın. Qazirgi tańda atalmysh uıym­nyń qoldaýymen óńirde jalpy somasy 12,3 mıllıard teńge turatyn on bes ınvestısııalyq joba júzege asyryldy. Olardyń qatarynda Mártók aýdany Sarjansaı aýylyndaǵy «Aıs» JShS-nyń 1100 saýyn sıyrlyq taýarly-sút fermasyn, Hromtaý aýdany Qopa aýylyndaǵy «Molochnye ıstorıı» JShS-nyń 16400 iri qaralyq reprodýktor sharýashylyǵyn, «Izet Grenhaýs» JShS-nyń gektar jylyjaıyn, alǵa aýdanyndaǵy «Parıjskaıa kommýna» JShS-nyń 40 myń shoshqa ósiretin mal sharýashylyǵy keshenin, «AkTep» JShS-nyń 1500 asyl tuqymdy reprodýktor-sharýashylyǵyn, «Aqtó­be jyly­jaı» JShS-nyń 3 gektar jylyjaıyn qosýǵa bolady.

Satybaldy SÁÝIRBAI, «Egemen Qazaqstan».