Búgin Fransııanyń Parıj qalasynda HHHIII jazǵy Olımpıada oıyndarynyń alaýy tutanady. El sportshylary derbes delegasııa retinde jazǵy Olımpıada oıyndaryna segizinshi márte at baılap otyr.
Fransııa osymen úshinshi márte jazǵy Olımpıada oıyndaryn ótkizip jatyr. Bul jolǵy jazǵy Olımpıada oıyndarynyń resmı ashylý saltanaty sport nysanynda emes, Sena ózeniniń ústinde ótedi. Qatysýshy memleketterdiń delegasııasy sý betinde qozy kósh jerdi qaıyqpen júzip shyǵady. Eýropanyń eńseli qalasynyń kórikti jerlerin kókteı ótetin kóńildi kerýen kóshinde bizdiń elden barǵan delegasııany tý ustap boksshy Aslanbek Shymbergenov pen jeńil atlet Olga Safronova bastap shyǵady.
Sporttyń 25 túrinen 92 lısenzııany ıelengen 80 sportshy dodaǵa qosylady. Amerıkalyq taldaý kompanııasynyń qorytqan boljamy boıynsha elimizdiń sportshylary Parıj jazǵy Olımpıadasynan 2 altyn, 3 kúmis, 5 qola medal oljalaýy múmkin. Biraq bul tek paıym ǵana, naqtysyn doda aıqyndaıdy. Úsh jyl buryn Japonııanyń Tokıo qalasynda ótken jazǵy Olımpıada oıyndarynda sportshylar 8 qola medaldi mise tutyp, jalpy esepte 83-satyǵa turaqtaǵan edi.
Parıj jazǵy Olımpıadasynda sportshylarǵa qalaıda altyn medal alý mindeti júkteldi. Bul Olımpııaǵa 80 sportshyny baptap 67 bapker, 15 dáriger, psıholog syndy mamandardan jasaqtalǵan ǵylymı keshendi top qosa bara jatyr. Buryn-sońdy sportshylardyń jeke bapkerleri dál mundaı qalyń shoǵyr bolyp barǵan emes. Memleket tarapynan kórsetilgen qamqorlyq pen qoldaýdyń qaıtarymy bolmasa, sańlaqqa sert!