ASTANA. 26 sáýir. Kúlli Qazaqstan aýmaǵynda azamattardyń Qazaqstannyń kezekten tys prezıdent saılaýyna daýys berýi aıaqtaldy. Bul týraly egemen.kz tilshisi habarlady.
Astana ýaqyty boıynsha saǵat 21:00-de respýblıkanyń basy óńirindegi Batys Qazaqstan, Atyraý, Aqtóbe jáne Mańǵystaý oblystarynda saılaý ýchaskeleri jabyldy.
Daýys berý respýblıkanyń negizgi bóliginde saǵat 20:00-de aıaqtaldy.
Qazaqstanda prezıdent saılaýy osymen besinshi márte ótip otyr. Bul joly prezıdenttikke úmitker bolyp úsh adam daýysqa tústi.
Munyń aldynda, 2011 jyly ótken saılaýda qazirgi is basyndaǵy Prezıdent Nursultan Nazarbaev saılaýshylardyń 95,55 paıyzdyq daýysyn alǵan edi.
Saılaýdyń ótý barysyn 858 baıqaýshy baqylady. Olardyń 293-i EQYU-dan, 410-y TMD-dan, 10-y ShYU-dan, taǵy 15-i túrki memleketteri yntymaqtastyǵy keńesinen, 11-i túrki memleketeri parlamenttik assambleıasynan,3-i ıslam yntymaqtastyǵy uıymynan kelse, 116 baıqaýshy 37 shet memleketten keldi.
Budan basqa, 37 memlekettiń 168 jýrnalısi akkredıtasııa aldy.
Qurysh Nurymbet.
Derek, sýret: egemen.kz.