Shý alqaby. Qarasora esirtkisi. Áýeden baqylaý

Shý aýdanynyń qalyń qumy ishinde jatqan Qo­­r­a­ǵaty sa­ıynda esirtki jınaýmen aınalysqan bir azamat ustaldy. Buryn da bir márte sotty bolǵan 40 jastaǵy ol 879 kılo bolatyn jańa orylǵan marıhýa­nany tasymaldaýǵa daıyndapty. Eki kúnnen keıin Merki aýdanynda taǵy bireý quryqtaldy. Ol 627 kılo marıhýana jınaǵan. Mine, osylaısha, Shý alqabyndaǵy esirtk­i saý­dasynyń jańa maýsymy qu­qyq qorǵaý qyzmetkerleri úshin á degennen qarbalaspen bastaldy. Quzyrly organdar bergen má­limetke súıensek, naýqan kezinde Shý alqaby arqyly 100 tonnaǵa deıin ma­rıhýana ótetin kórinedi. Bıyl­ǵy jyly esirtki qylmysyna qarsy kúres jáne esirtki tasymaly joldaryn jabý baǵytynda úlken tas jol boıynan birneshe mo­bıldi beketter qoıyldy. Ja­qyn­da ǵana Shý aýdanynda ótken «Kók­nár-2015» respýblıkalyq jedel-aldyn alý is-shara­synyń bas­ty ereksheligi – bıyldan bastap esirt­ki zattaryn jınaýshylardy ustaý jáne alqapty baqylap otyrý úshin ushqyshsyz basqarylatyn ushý apparattary qoldanylatyn bolǵan. Iаǵnı, esirtki alqaby áýeden de baqylanady. Sondaı-aq, MI-2 tikushaǵy men AN-2 ushaǵy esirtki jınaýshylardyń adymyn ashtyrmaıdy degen úmit bar. – Jyl ótken saıyn Shý alqa­bynan esirtki saýdasymen aınalysýshylar ádisterin ózgertip, jetildirip otyrady, – deıdi bizben áńgimesinde Jambyl oblystyq esirtki bıznesine qarsy kúres departamentiniń bastyǵy, polısııa polkovnıgi Shopyrhan Japabaev. – Áıteýir, polısııa olardyń, olar bizdiń aldymyzdy orap, san soqtyryp ketkisi keledi. О́tken jyly Merkide esirtki saýdasymen aınalysqan top quryqtaldy. Nátıjesinde, toptyń jetekshisi 19 jylǵa sottaldy. Ustalǵan alty adamnyń úsheýi – áıel, onyń bireýi – mu­ǵalim. Kórdińiz be, bular polı­­sııanyń kúdigi az túsetin názik jandylardy jáne kúndelikti elmen aralasyp, bala tárbıeleýmen aınalysyp júrgen ustazdy qata­­ryna tartqan. Odan bólek, mundaı toptar sońǵy jyldary júırik ári myqty jylqylardy daıyndaýmen aınalysyp keledi. Sóıtip, kólik júre almaıtyn aıdalamen attarmen ótip ketkisi keledi. Byltyrǵy jyly bir salt attyny 45 mınót qýalap júrip, áreń ustadyq. 75 kılo keptirilgen esirtkini óńgerip alǵan kók atty qashqyn polısııa qyz­metkerleriniń jankeshti qımyl-áreketiniń arqasynda qolǵa tústi. Oralhan DÁÝIT, «Egemen Qazaqstan». Jambyl oblysy.