Atyraý oblysynda tabıǵı sıpattaǵy tótenshe jaǵdaı rejimi áli saqtalyp otyr. О́ıtkeni sý tasqyny saldarynyń shyǵynyn esepteý aıaqtalǵan joq.
Oblys ákiminiń baspasóz hatshysy Rýslan Jumaǵazıevtiń usynǵan aqparatyna qaraǵanda, sý tasqynynan kóp zardap shekken Jylyoı jáne Qyzylqoǵa aýdanyndaǵy arnaıy komıssııalardyń qorytyndysymen ólgen maldyń sany naqtylandy. Bul komıssııalarǵa Jylyoı aýdanynan – 100, Qyzylqoǵa aýdanynan 58 ótinish túsken. О́tinishte kórsetilgen 1 067 mal men 532 úı qusyna 185,6 mln teńge ótemaqy tólengen.
«Bul qarjynyń 123,8 mln teńgesi Jylyoı aýdany turǵyndarynyń shyǵyny úshin berilgen. О́ıtkeni bul aýdanda 876 tórt túliktiń, atap aıtqanda, 93 múıizdi iri qara, 697 qoı-eshki, 55 jylqy jáne 31 túıeniń ólgeni anyqtalyp otyr. Sondaı-aq 532 úı qusy ólgen. Al Qyzylqoǵa aýdanynda turatyn turǵyndardyń shyǵyny 61,7 mln teńgeni qurady. Munda 105 sıyr, 40 qoı-eshki, 45 jylqy, 1 túıe shyǵyn bolǵan. Qazir bul aýdanda tórt túliktiń shyǵyny úshin ótemaqy tolyq tólendi», deıdi R.Jumaǵazıev.
Onyń deregine júginsek, oblysta sý tasqynynan 39 sharýa qojalyǵy, 19 jeke kásipker, 90 turǵyn zardap shekken. Máselen, Jylyoı aýdanynda shyǵynǵa ushyraǵan 13 sharýa qojalyǵy, 16 jeke kásipker, 71 turǵyn tirkelip otyr. Al Qyzylqoǵa aýdanynan 26 sharýa qojalyǵy, 3 jeke kásipker men 29 turǵyn shyǵyndy óteý jóninde ótinishpen júginip otyr.
«Jylyoı aýdanynyń turǵyndarynan qosymsha 50 ótinish qabyldandy. Bul ótinishterde 206 maldyń, onyń ishinde 90 múıizdi iri qara, 27 qoı-eshki, 58 jylqy men 31 túıeniń shyǵyn bolǵany kórsetildi. Sondyqtan shyǵyndy óteý úshin oblystyq bıýdjetten 88,7 mln teńge bólindi. Qazir mal ıelerine ótemaqyny tóleý úshin qajetti jumystar qolǵa alyndy», dep málimdedi R.Jumaǵazıev.
Sý tasqynynan egistik alqaptaryna da zııan kelgeni jasyryn emes. Tasqyn sý 6 071 gektar aýmaqty basty. Sonyń saldarynan 4 754 gektar alqapqa ǵana egin egildi. Onyń ishinde kartop – 568 ga, kókónister – 1433 ga, baqsha – 931 ga, mal azyqtyq daqyldar 1822 gektardy quraıdy.
«Aýyl sharýashylyǵy mınıstriniń 2024 jylǵy 17 mamyrdaǵy №167 buıryǵymen aýyl sharýashylyǵy salasynda tabıǵı sıpattaǵy tótenshe jaǵdaı nátıjesinde jeke jáne zańdy tulǵalarǵa keltirilgen zalaldy óteý qaǵıdasy bekitildi. Soǵan sáıkes sý tasqynynan zardap shekken qala, aýdandarda jáne oblysta arnaıy komıssııa quryldy. Atyraý oblysynda shyǵyndy óteý maqsatynda berilgen 152 ótinish tirkeldi. Onyń ishinde 90 ótinishte egistik alqapqa keltirilgen shyǵyndy óteý suralyp otyr. Al 62 ótinish ıeleriniń maýsymdyq úı, qora, aýyl sharýashylyǵy tehnıkalary men qurylǵylary sekildi múlkine zalal kelgeni anyqtaldy», deıdi R.Jumaǵazıev.
Al Qulsary qalasynda tasqynnan zardap shekken kásipkerlik sýbektilerdiń shyǵyny ótelip jatyr. О́ńirlik komıssııanyń sheshimimen 177 kásipkerdiń ótinishi qabyldanyp, olarǵa 1,7 mlrd teńgeniń ótemaqysy taǵaıyndaldy. Shyǵyndardy anyqtaý, zerdeleý jumysyna 13 baǵalaý kompanııasy tartyldy. Bul kompanııalardan 58 maman baǵalaý júrgizýge jumyldy.
«О́temaqy mólsheri Ulttyq statıstıka bıýrosy jarııalaıtyn aýyl sharýashylyǵy janýarlarynyń túri men jynystyq-jas toptary bólinisi eskerilip, naryqtyq quny týraly derekter negizinde aıqyndaldy. Osy kezge deıin berilgen ótemaqy mólsherine shaǵymdaný deregi tirkelgen joq. Qazir Atyraý qalasy men Mahambet aýdanynda mal shyǵynyna qatysty ótinimderdi qabyldaý júrip jatyr. О́lgen maldyń sany men ótemaqynyń mólsheri qalalyq, aýdandyq komıssııanyń sheshimderine sáıkes anyqtalady», dep naqtylady oblys ákiminiń baspasóz hatshysy.
Atyraý oblysy