Zırat mańynda aıýdyń tólin turǵyndardyń keıbiri óz kózimen kórgen, dep habarlaıdy Egemen.kz.
Aıýlar Serebrıansk qalasynan 5 shaqyrym jerde zırat mańynan baıqalǵan. Qala ákimi Nurgúl Baqynova bul týraly ShQO ańshylyq sharýashylyǵynyń jedel áreket etý otrıadyna resmı hat jiberip, orman ańyn ustaý jáne turǵyndarǵa qaýip tóndirmeý maqsatynda kómek suraǵan.
ustinka.kz jazýynsha keıbir turǵyndar zıratta aıý kúshigimen betpe-bet ushyrasqan. Aıý kúshigi qaýipti sanalmaıdy, alaıda qabir qazýshylar qalyń shóp arasynda aıýdyń yrylyn estigen.
«Adamdar tabıǵatta azyq-túlik qaldyqtaryn qaldyrady. Olar soǵan keledi. Taıaýda Batys Altaı qoryǵynan keldim. Onda da sondaı jaǵdaı. Reseıde de adamdardy aıýlar qatty alańdatady. Olar kóbeıip ketti. Biraq olardy atyp tastamaıdy. Ustap alyp, uıyqtatyp, basqa jerge ornalastyrady. Aıýlar barlyq jerde júredi. Bul olardyń aýmaǵy, olardyń mekeni», deıdi bıologııa ǵylymdarynyń kandıdaty, Shyǵys Qazaqstan ýnıversıtetiniń bıologııa kafedrasynyń professory Konstantın Prokopov.