Qarjylyq monıtorıng agenttigi Jambyl oblysynyń prokýratýrasymen birlesip, Taraz qalasy ákimdiginiń qarjy bóliminiń laýazymdy tulǵalaryna qatysty birqatar zań buzýshylyq boıynsha sotqa deıingi tergep-tekserýdi bastady, dep habarlaıdy Egemen.kz vedomstvonyń baspasóz qyzmetine silteme jasap.
«Qala ákimshiliginiń qyzmetkerleri memleket kirisine túsken taýarlyq-materıaldyq qundylyqtardyń esepke alynbaýyn paıdalana otyryp, resmı qujattardy qoldan jasaý jolymen sottardyń úkimderi boıynsha tárkilengen kommersııalyq jyljymaıtyn múlik pen halyq tutynatyn taýarlardy mekemeniń balansynan zańsyz shyǵaryp alǵan», delingen QMA habarlamasynda.Atalǵan azamattardyń zańsyz áreketterinen keltirilgen zalal somasy 100 mln teńgeden asady. Qazirgi ýaqytta tergeý-jedel is-sharalar, tıisti saraptamalar júrgizilip jatyr. Olardyń nátıjeleri boıynsha is júrgizý sheshimderi qabyldanady.