27 maýsymda joǵalyp ketken Oral qalasynyń turǵyny 21 jasar Jetkergen Jambylovtyń máıiti tabyldy, dep habarlaıdy Egemen.kz.
«Moı gorod» basylymynyń málimetinshe, jas jigit «Stroıtel» shaǵyn aýdanyndaǵy úıinen shyǵyp ketip, iz-tússiz joǵalyp ketken. Jigittiń týystary polısııaǵa aryz túsirgen. Tártip saqshylary izdeý jumystaryn bastaǵan, biraq Jetkergendi taba almaǵan.
«Kisi óltirdi degen kúdikpen Báıterek aýdanynyń turǵyny ustaldy. Ol ýaqytsha ustaý ızolıatoryna qamaldy. Qazir tergeý amaldary júrgizilip jatyr», dep habarlady polısııa qyzmetkerleri.
Eske sala keteıik, buǵan deıin Qostanaı oblysynda joǵalyp ketken 16 jastaǵy qyzdyń máıiti tabylǵan edi. Kisi óltirdi degen kúdikpen 27 jastaǵy jigit ustalǵan.