Jazdyń aptap ystyǵynda adam men úı janýarlary úshin asa qaýipti sanalatyn kemirgishter men keneden abaı bolǵan jón. Jaýapty mamandar naq osy kezderde saqtyq sharalaryn qatań saqtaýdy eskertedi.
Zııankesterdiń kúrt kóbeıýine áser etetin negizgi faktor – túrli turmystyq qaldyqtardyń beıbereket tastalýy. Osynyń saldarynan qala aýmaǵyndaǵy saıabaqtarda, ásirese kópqabatty úıdiń mańynda adam densaýlyǵy úshin asa qaýipti kemirgishter kóbeıedi. Mamandardyń sózinshe, kemirgishterdiń keıbir túrleri tipti ólim jaǵdaılaryna ákelip soqtyratyn juqpaly aýrýlardyń oshaǵy sanalady.
Ásirese taýly aımaqtarda kemirgishterden bólek adam men janýarlardyń, sondaı-aq ósimdiktikterdiń parazıti bolyp sanalatyn keneden abaı bolǵan jón. Qyshyma kene sııaqty keıbir tuqymdastary, tipti kózge de shalynbaıtyn bul jándik adam boıynda bórtpe, súzek, kene ensefalıti, týlıaremııa sııaqty aýrýlardyń órbýine jol ashady. Mundaı keneler jańbyrdan keıin kógaldy jerlerde kóptep beleń alady. Sondyqtan tabıǵat aıasyna shyǵatyn turǵyndar bul jaǵdaıdy qaperinde ustaǵany abzal. Arnaýly mamandar, zııankestermen kúres máselesi árdaıym basty nazarda, degenmen ár azamat tazalyqqa mán berip, saq júrgeni jón degendi aıtady.
Almaty qalasy aýmaǵyn zııankesterden zalalsyzdandyrý jumystarynyń jazǵy naýqany qyza túsken. Arnaýly keste negizinde taýly aımaqtar men demalys oryndarynda, qala aýmaǵyndaǵy saıabaqtarda zalalsyzdandyrý jumystary júrip jatyr. Jappaı zalalsyzdandyrý isine quramynda tájirıbeli epıdemıolog dárigerler bar mamandar toby jumyldyrylǵan.
ALMATY