74 jastaǵy zeınetker marafonshy Sársenbaı Qotyrashev Astana qalasynan bastaý alǵan Reseı - Mońǵolııa - Qytaı baǵyty boıynsha kezekti saparyna attandy. Qarııa bul saparyn Astana qalasynda ótip jatqan Dúnıejúzilik kóshpeliler oıynynyń qurmetine arnaǵan. Qyzyǵy men shyjyǵy qatar júretin qarııanyń ár saıahaty kópke úlgi bolary anyq, dep jazady Egemen.kz.
Sársenbaı Qotyrashev bala kúninen jaıaý júrýmen shuǵyldanǵan. Zeınetkerdiń saparynyń sońǵy núktesi - Qytaıdyń astanasy Beıjiń bolmaq. Qarııanyń aıtýynsha, kóshpeli qazaqtyń urpaǵy bolǵannan keıin, dúnıejúzilik dodany nasıhattaý kerek.
Buǵan deıin, zeınetker saparyn Atyraý qalasynan bastap, Túrkııanyń Ystanbul qalasyna deıin jaıaý barǵan. Sonymen qatar marafonshy bıyl Eýropa elderin jaıaý aralaýdy josparlaǵan.
Zeınetker marafonshynyń Eýropa elderin aralaı almaýynyń sebebin tilshimiz Qýanysh Nurdanbekulynyń Jaıaý - jalpy jolǵa shyqty atty maqalasynan oqı alasyzdar.